Ei langrennsløype i Solheimsdalen kjem til å liggja brakk nesten heile året. Det kunne ein ha unngått viss det var mogleg å sykla i løypa. Onarheim IL fryktar oppskrapte ski.

Alle som svarte nei på spørsmål 20 i «Tysnes» sin spåmannkonkurranse tok feil. Etter vel ein times sykling kom nemleg ordføraren og rådmannen fram til Flygansvær.

Ordføraren og rådmannen tek utfordringa i årets spåmannkonkurranse på strak arm og syklar saman til Flygansvær i dag. Rådmannen si trening fram mot sykkelturen har stått i å lappa sykkelen. Dei startar klokka eitt frå rådhuset.

For fyrstegongsbesøkjande på Tysnes er det ikkje alltid like lett å finna fram når ein kjem med ferja.

Verdas største rigg kjem ikkje til Tysnes.

Etter at barnevernet flytta saman med NAV, er det berre mogleg å nå dei på mobil. Viss dei då svarar. I sommar var kontoret ubemanna i to dagar.

Over 5000 skyttarar med familiar har denne veka teke turen til Evje og årets landsskyttarstemne. Tre av desse er frå Tysnes Skyttarlag. Leiar i skyttarlaget, Anders Dalland, har sendt ein stemningsrapport frå Evje.

Kommunelege Magne Skartveit ber folk om å ta svineinfluensafrykta med ro. Skulle epidemien verta verre, har kommunen kriseplanane klare.

AutoPass kan bli ein realitet når FosenNamsos Sjø AS tek over drifta av ferjesambandet Våge-Halhjem. Dersom dette skjer, vil det føra til at ein kan køyra rett om bord i ferja utan å måtta stoppa på kaien for å løysa billett.

Etter å ha vore ute av drift sidan like før klokka ni i dag, er «Ullensvang» no attende i trafikk, nokre minutt etter ruta frå Halhjem klokka 15.05.