Ein nabo tipsa i går om litt skrot som ligg og flyt på parkeringsplassen i Solheimsdalen.
Mellom anna trur vedkomande at delar av dette kan vera noko av ei teleantenne, som viser på biletet som tipsaren har sendt oss.

Gerhard Stoltz er tildelt statens garanti-inntekt for kunstnarar. Dette er den største tildelinga norske kunstnarar kan få. – Veldig hyggeleg, seier Stoltz om provet på at han «i fleire år har ytt ein kvalitetsmessig verdifull kunstnerisk innsats».

Tysnesfest startar eiga bustadformidling. No håpar dei at folk vil leiga ut overnattingsstad til festivalgjengarar.

Statens vegvesen arbeider med å byta ut Utstein i sambandet Jektevik-Nordhuglo-Hodnanes frå 2010.

Statens vegvesen arbeider for å få inn ei anna ferje i sambandet Hodnanes-Jektevik. Torstein Hatlevik (V) tek til orde for at Utstein som trafikkerer sambandet i dag, i så fall bør nyttast som flytande barnehage.

StatoilHydro er på plass i Onarheimsfjorden. I går kveld kom skipet Island Wellserver og ankra opp i fjorden like utanfor Onarheim. Skipet ligg i området der det tidlegare er laga brønn på fjordbotnen for testing.
For nokre år sidan låg skipet Petro Jarl på same staden.

Arbeidet med å oppgradera hamna i Våge er i full gang. Gjestebryggja skal forlengast med 72 meter. Alt skal stå klart til kongeparet kjem 16. juni.

5,9 prosent av alle sysselsette i Tysnes, jobba i oljenæringa i 2007. Med det er Tysnes inne på «Topp 10»-lista over kommunane med størst andel sysselsette i olja.

Krav om biometriske pass gjer at det frå 1. mai er slutt på passutskriving ved lensmannskontoret i Uggdal.

16. juni kjem kongeparet til Tysnes. No er det klart at sjukeheimen vert ein av stoppestadane under Kongen og Dronninga si vitjing.