Sjå klipp frå «Pappas kjærlighetsbarn»

– Me har prøvd å sjå kva som eigenteleg tel. Er det viktigaste at ungar har ein omsorgsperson med ressursar eller at dei har to foreldre, spør produsent Ida Kleppe.
Publisert 30.04.2015 kl. 08.45. Oppdatert 01.05.2015 kl. 13.28.

I heile fjor følgde produksjonsselskapet Pandora Film Torstein Hatlevik, som driv Haaheim Gaard. Som einsleg homofil blei han far til dottera Konstanse. No er dokumentarfilmen «Pappas kjærlighetsbarn» endeleg klar, og skal visast på TV2 måndag 4. mai.

– Me har laga ein film om Torstein før, og høyrde at han skulle bli far ein gong til. Det synest me var spanande. Det er viktig å fortelja slike historier, for å skapa aksept for ulike måtar å leva på, seier Kleppe.


– Kjekk prosess

Ifølgje ho handlar filmen om Torstein og Konstanse, og den utradisjonelle forma for familie dei er. Filmteamet har følgt Torstein frå før Konstanse blei fødd, til ho blei ca eitt år.

– Me er veldig nøgde. Det har vore ein kjekk prosess. Filmen blei teke ut som opningsfilm til Den Norske Dokumentarfilmfestivalen i Volda, seier produsenten.

Filmen følgjer med på Torstein sine prioriteringar og korleis dei endrar seg: Frå å vera ein alltid arbeidande gründer med åleineansvar for hotell, restaurant og selskapslokale, tilpassar han seg kvardagen med eit spedbarn.

– Me har også filma litt av lokalbefolkninga, det vil seia alt frå tilfeldige folk som Torstein møter på butikken, til to pensjonerte jordmødre som passar ein del på Konstanse, seier Kleppe.


Vitjar TV2

I forkant av sendinga skal Torstein og Konstanse på «Frokost TV» på TV Haugaland på fredag, og «God Morgen Norge» på TV2 på måndag.

– Det blir triveleg. Det er ein koseleg film, seier Torstein Hatlevik.

– Korleis har det fyrste året med Konstanse vore?

– Veldig hyggeleg. Det er jo eit nytt menneske eg har blitt bli kjend med. Det er fantastisk kjekt. Det har også gått overraskande bra sånn praktisk. Eg har au pair, så eg løyser kvardagen ilag med henne, seier Hatlevik.


– Heimestrikka klede

Hatlevik var ganske ung då han fann ut at han hadde lyst å bli far. Konstanse har han fått ved hjelp av veninna Renate, som har gitt han foreldreretten, og som også medverkar i filmen. Frå før har han dottera Hildur, som er blitt åtte år. Ho bur for det meste hjå mora, men er på Tysnes i helgar og feriar.

Ifølgje Hatlevik har Konstanse blitt veldig godt motteke på Tysnes.

– Ho får framleis mykje heimastrikka klede. Men det er sjølvsagt nokre som er skeptiske, og lurar på korleis ein mann som er einsleg homofil skal klara å ta vare på eit barn. Dei seier ikkje dette direkte til meg, men eg høyrer det gjennom andre.

– Skal du ha fleire born då?

– Eg har ikkje det i planen no i alle fall, men eg har alltid hatt lyst på ein stor familie.

Sjå teaser for dokumentaren her.


GODT MOTTEKEN: Ifølgje Torstein Hatlevik har Konstanse blitt godt teken imot på Tysnes. FOTO: Pandora Film.
GODT MOTTEKEN: Ifølgje Torstein Hatlevik har Konstanse blitt godt teken imot på Tysnes. FOTO: Pandora Film.
GODT MOTTEKEN: Ifølgje Torstein Hatlevik har Konstanse blitt godt teken imot på Tysnes. FOTO: Hilde Hollekim.
GODT MOTTEKEN: Ifølgje Torstein Hatlevik har Konstanse blitt godt teken imot på Tysnes. FOTO: Hilde Hollekim.
GODT MOTTEKEN: Ifølgje Torstein Hatlevik har Konstanse blitt godt teken imot på Tysnes. FOTO: Hilde Hollekim.
GODT MOTTEKEN: Ifølgje Torstein Hatlevik har Konstanse blitt godt teken imot på Tysnes. FOTO: Hilde Hollekim.
KJENDISAR: Torstein Hatlevik og dottera skal både på «God Morgen Norge» på TV2 og på TV Haugaland neste veke. Ida Kleppe er produsent for dokfilmen «Pappas kjærlighetsbarn» som blir vist på TV2 måndag.  FOTO: Pandora Film.
KJENDISAR: Torstein Hatlevik og dottera skal både på «God Morgen Norge» på TV2 og på TV Haugaland neste veke. Ida Kleppe er produsent for dokfilmen «Pappas kjærlighetsbarn» som blir vist på TV2 måndag. FOTO: Pandora Film.

Siste saker Gå til framsida

Skuletime i flytenaustet

Også denne hausten har 6. klassingane i kommunen fått høyra og læra om alle tysnesingane som var mannskap og offiserar på amerikanske yachter (jåttar på tysnesdialekta) i perioden 1900-1940. I fleire år har 6. klassingane vore inviterte til omvising og «skuletime» i flytenaustet om jåttseglarane. Elevane syner interesse for denne viktige brikka i Tysnes si nyare soge. Dei får...