KJØPTE FORKLE: F.v. Astrid Thomassen, Anna-Karin Døssland Steen og Lina Dalland poserte gjerne for fotografen i dei flotte forklea dei hadde kjøpt på husflidsmessa (Døssland Steen i lånt forkle).
KJØPTE FORKLE: F.v. Astrid Thomassen, Anna-Karin Døssland Steen og Lina Dalland poserte gjerne for fotografen i dei flotte forklea dei hadde kjøpt på husflidsmessa (Døssland Steen i lånt forkle).

Fann fine forkle på messa

– Eg gjer mykje for å koma i «Tysnes», seier Anna-Karin Døssland Steen med ein latter, og låner eit forkle for å vera med på bilete.
Publisert 12.09.2015 kl. 18.36.

Husflidsmessa i Tysneshallen er godt i gong. Ikkje lenge etter at dørane opna i dag, var det fullt av folk som var inne og kika på det utstillarane hadde med.

Veninnene Astrid Thomassen, Anna-Karin Døssland Steen og Lina Dalland var mellom anna innom boden til Marit Dyrnes, der dei fann seg fine forkle. Døssland Steen hadde ikkje kjøpt eit, men fekk låna eit av ei av veninnene, som hadde kjøpt to, då kameraet vart retta mot dei.

– Eg har aldri kjøpt så mykje på messa før. Det var veldig mykje fint her i år, skryt Lina Dalland.

I andre enden av hallen står Anny Gjøvåg, med utstillinga si av gamle gardsreiskapar. Ho veksla mellom å fortelja om tinga ho hadde med seg, og høyra på det andre kunne fortelja.

– Det er veldig kjekt for meg å kunna utveksla informasjon på dette viset, smiler ho.

30 utstillarar frå nesten heile Vestlandet er i helga samla i Tysneshallen, med eit breitt og variert utval av husflid og bruksting til sals. Søndag er andre og siste dag av messa.


Les meir i papiravisa på torsdag.




LÆRER MYKJE: Anny Gjøvåg stiller ut gamle gardsreiskapar på messa, og lærer mykje frå andre, samstundes som ho fortel mykje til dei mange interesserte. Ho hadde dessutan kledd seg i flotte, gamaldagse klede for høvet.
LÆRER MYKJE: Anny Gjøvåg stiller ut gamle gardsreiskapar på messa, og lærer mykje frå andre, samstundes som ho fortel mykje til dei mange interesserte. Ho hadde dessutan kledd seg i flotte, gamaldagse klede for høvet.
FRÅ RYFYLKE: Ekteparet Sverre og Bodil Nordbø kom heilt frå Ryfylke for å vera med på messa i hallen. Sverre er sjølvlært på å laga ting i tre, medan Bodil både tovar, strikkar og lagar smykke.
FRÅ RYFYLKE: Ekteparet Sverre og Bodil Nordbø kom heilt frå Ryfylke for å vera med på messa i hallen. Sverre er sjølvlært på å laga ting i tre, medan Bodil både tovar, strikkar og lagar smykke.
GODT MED FOLK: Mange var innom husflidsmessa i Tysneshallen laurdag.
GODT MED FOLK: Mange var innom husflidsmessa i Tysneshallen laurdag.
MATPAUSE: Også i kaféen var det mange folk, som tok seg ein velfortent matpause.
MATPAUSE: Også i kaféen var det mange folk, som tok seg ein velfortent matpause.

Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...