KLARE TIL FEST: Det er duka for ablegøyer og mykje moro når det vert skipa til Oktoberfest i Lunde  laurdag. Tysdag vart øltønner henta med hest og kjerre i Våge. (Foto: Elin Anita Erstad)
KLARE TIL FEST: Det er duka for ablegøyer og mykje moro når det vert skipa til Oktoberfest i Lunde laurdag. Tysdag vart øltønner henta med hest og kjerre i Våge. (Foto: Elin Anita Erstad)

Klare for oktoberfest

Arrangørane bak den årlege Oktoberfesten på Tysnes ventar mellom hundreogfemti og to hundre personar på festen laurdag kveld. Tysdag vart øltønnene henta med hesteskyss i Våge.
Publisert 03.10.2015 kl. 08.59.

Oktoberfesten i Lunde er blitt ein tradisjon på Tysnes. I år kan arrangørane markera 5-års jubileum.


Stor entusiasme

– Me gler oss over den store entusiasmen for arrangementet, ikkje berre i Lunde og kringom i dei andre bygdene på Tysnes, men også utanfor Tysnes, seier ein nøgd Oktoberfest-vert Bjarte Erstad.

Han rosar dei friviljuge dugnadsarbeidarane i Lunde ungdomslag og Lunde bygdalag og lundabygda elles for at arrangmentet er i ferd med å få eit solid fotfeste som ei stor årleg markering i Tysnes.

– I fjor hadde me mellom 150 og 180 innom festlokalet. I år håpar me på ytterlegare 20 ekstra, smiler Erstad.

I år har det nemleg kome fleire førespurnader frå folk utanfor Tysnes, meir enn dei har opplevt tidlegare.


Musikk frå Haugesund

Tyrolerbandet frå Haugesund vert med også i år. Dei har spelt fire år på rad.

– Dei livlege bandmedlemene frå Haugesund er flinke til å laga liv og røre og god stemning, seier Oktoberfest-verten, som har denne tittelen saman med Knut Nesland.

– Ein del av våre oppgåver er å skapa liv og røre. Her skal det vera musikk og mykje ablegøyer. Me har konkurransar, allsong og øltønneløfting, forklarar verten.

Kostymer er også ein viktig bit av tradisjonen oktoberfest. Arrangørane håpar at det er mange som stiller i oktoberfestkostymer.


Siste saker Gå til framsida

Leiar: Lokale entusiastar sikrar framtida for Spelet om Olavsgildet

Spelet om Olavsgildet kan bli ført vidare. Det er gull verdt for Tysnes.Det var i fjor sommar, i samband med markeringa av Johannes Heggland sin hundreårsdag i slutten av juni, at Spelet om Olavsgildet blei framført for fyrste gong. Urframføringa blei ei storslått markering, som på ny sette Tysnes på...