Julegateopninga i Våge var prega av mykje regn, men det stogga korkje skulekorpset eller dei frammøtte.
Julegateopninga i Våge var prega av mykje regn, men det stogga korkje skulekorpset eller dei frammøtte.

Ynskjer adventstida velkomen

To julegateopningar og to julegrantenningar i helga.
Publisert 27.11.2015 kl. 18.30. Oppdatert kl. 19.34.

Den første søndagen i advent er no på søndag, og tradisjonen tru er det duka for markeringar av dette kringom på Tysnes. Først ut var Våge, med julegateopning fredag kveld, der Tysnes skulekorps spelte julesongar, og julenissen delte ut gåver og snop til borna.

Vêrmeldinga innbyr ikkje akkurat til julestemning, med flaumvarsel og OBS-varsel for heile Vestlandet. Men med korpsmusikk, gløgg, peparkaker og julenisse, kjem kanskje julestemninga snikande fram likevel.

Seinare på fredagskvelden var det juleopning (utan gate) i Lunde. Nissen vitja begge bygdene, og det vart servert både gløgg og peparkaker.

Laurdag er det julegrantenning i Uggdal klokka seks, med påfølgjande servering av gløgg i Grendatun.

Søndag klokka fem vert julegrana ved Onarheim kyrkje tend, med lett underhaldning av elevar ved Onarheim skule og Onarheim musikklag. Dette vert også nissen sitt fjerde og siste stopp på Tysnes i helga.





Mange ville høyra på då skulekorpset opna julegata med mange flotte julesongar.
Mange ville høyra på då skulekorpset opna julegata med mange flotte julesongar.
Skulekorpset fekk fram litt julestemning, sjølv om vêret ikkje var på deira side.
Skulekorpset fekk fram litt julestemning, sjølv om vêret ikkje var på deira side.
Så kom nissen, og borna fekk smågodt og gåver.
Så kom nissen, og borna fekk smågodt og gåver.
Bålpanna var tend, og varma nok godt.
Bålpanna var tend, og varma nok godt.

Siste saker Gå til framsida