BEST I NORDEN, IGJEN: Anna Dorthea vart nordisk meister i fjor, og greidde den same bragda i år, på nordisk meisterskap i styrkeløft for ungdom og junior i Sverige. Arkivfoto: Privat
BEST I NORDEN, IGJEN: Anna Dorthea vart nordisk meister i fjor, og greidde den same bragda i år, på nordisk meisterskap i styrkeløft for ungdom og junior i Sverige. Arkivfoto: Privat

Tok nytt gull i nordisk

Anna Dorthea Espevik er sterkast i norden, igjen.
Publisert 27.02.2016 kl. 08.00.

Styrkeløftkonkurransen Nordisk ungdom og junior gjekk i helga av stabelen i Katrineholm i Sverige, og Anna Dorthea Espevik gjentok suksessen frå i fjor, og sikra seg endå eit nordisk gull i kategorien ungdom 14-18, klasse 72.


Ikkje heilt nøgd

Espevik tok 175 kg i knebøy, 145 kg i benkpress og 140 kg i markløft, og danka med det ut konkurrenten Marthe Engskar Ramsrud frå Oslo SK. Sjølv meiner ho det kunne gått mykje betre.

– Eg er sånn passe nøgd med korleis det gjekk. Det kunne gått mykje betre i alle øvingane. Eg hadde lyst til å ta nye pers (personleg beste, journ.anm.), men gjorde det ikkje i nokon av øvingane, seier ho.

I knebøy var ho fem kilo under pers, og ti kilo under pers i dei to andre øvingane.

– Eg veit ikkje heilt kvifor eg ikkje fekk det til denne gongen. Eg har gjort det betre før. Men eg har fokusert mykje på teknikk i det siste, så det har endelig byrja koma seg. Eg skal vera med i EM i april, så eg satsar på å ta det igjen då, fortel Espevik.


NM i benkpress

Anna Dorthea Espevik løftar for Odin SK i Bergen, og har sett fleire rekordar innan styrkeløfting. Ho har mange topplasseringar i klassen ungdom 14-18, og gjer det stadig betre i open klasse. I mars skal ho vera med på NM i benkpress i Stavanger, og då skal ho konkurrera i open klasse.

– Då skal eg prøva å gjera det bra der, seier Espevik.

I april går turen til Malaga og EM i styrkeløft ungdom og junior. Der skal ho konkurrera i klassen ungdom -72.


Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...