KJEKT PÅ UKM: Tamara (t.v.) og Nora har mange kjekke minne etter tre heile dagar med UKM i Trondheim (privat foto).
KJEKT PÅ UKM: Tamara (t.v.) og Nora har mange kjekke minne etter tre heile dagar med UKM i Trondheim (privat foto).

Hadde ei strålande UKM-helg i Trondheim

– Ei oppleving for livet, seier dei to tysnesjentene Nora Stien og Tamara Helland. Tysdag kom dei heim att etter tre heile dagar med UKM-landsfinale i Trondheim med song, musikk, kurs og opplevingar.
Publisert 04.07.2016 kl. 08.00.

– Det var veldig gøy, sosialt, masse å finna på, masse å sjå og masse å oppleva, oppsummerer dei to jentene, nærast i kor. Begge veldig nøgde med helga.


Opptreden i Olavshallen

Det største høgdepunktet var sjølvsagt si eiga framføring, på scenen i sjølvaste Olavshallen i Trondheim.

Eit anna høgdepunkt var låtskrivarkurset med Askil Holm, tidlegare medlem av Gitarkameratane Hallelujah.

– Det var eit kjekt kurs og veldig lærerikt, seier Nora og Tamara.

Elles fortel dei om eit tettpakka program kvar einaste dag, frå tidleg morgon til seine kvelden med øvingar, opptredenar og workshopar.

– Me fekk opptre på ein scene i lag med fem-seks andre på ein fotballcup for born. Andre opptredde i byen, eller i ei kyrkje, nemner dei som døme.


Felles frå Hordaland

Dei to tysnesjentene møtte på Flesland fredag ettermiddag. Halv tre var det flyavgang frå Flesland til Trondheim, i lag med kring tjue andre deltakarar og reiseleiar frå Hordaland.

Totalt var det kring seks hundre frå heile landet som deltok på UKM-helga i Trondheim.

Allereie fyrste kvelden var det bli-kjent-leikar.

– Me blei delt inn i grupper og me blei kjent med mange, smiler dei to, godt nøgde.

Overnatting i hall

Alle som deltok på UKM overnatta i idrettshallen på Charlottenlund. Her fekk dei også servert frukost.

Allereie halv sju var det full rulle. Klokka kvart over åtte skulle dei vera ferdige med frukosten og klare til avgang.

Laurdag, søndag og måndag vart det full program, til langt på kveld med mange kjekke opplevingar. Men dei vedgår at ein kunne verta litt trøytt med opptil 15-16 timar dag.

Tysdag var det avreise frå Trondheim. Om ettermiddagen var dei heime att på Tysnes.

Dei skryt av ei strålande UKM-helg i Trondheim, med opphald og reise betalt av UKM.


MED ASKIL HOLM: Eit av høgdepunkta under UKM var låtskrivarkurs med kjendis Askil Holm. Nora og Tamara til venstre, bak i biletet. (Utlånt frå Tamara og Nora)
MED ASKIL HOLM: Eit av høgdepunkta under UKM var låtskrivarkurs med kjendis Askil Holm. Nora og Tamara til venstre, bak i biletet. (Utlånt frå Tamara og Nora)

Siste saker Gå til framsida

TIX til Tysnesfest 2020

Tysnesfest ligg ikkje på latsida. Dagen etter at festivalen er over, slepper dei den første artisten til neste års festival.

– Dei er sjukt vittige!

Det seier Frida Walde om Ausekarane. Fredag hadde ho og broren Mikkel sikra seg plass heilt fremst ved scenen til årets show.

Debatt: Nei til vindmøller i Tysnesfjella!

Store delar av Tysnes er inkludert i NVE sitt forslag til nasjonal ramme for vindkraft. Tysnes Ap meiner at det ikkje skal byggjast vindmøller i Tysnes kommune.Me er ein relativt liten kommune, med variert natur frå fjord til fjell. Fjellheimen vår er å betrakta som eit einaste stort naturreservat, med eit rikhaldig dyre- og fugleliv.Vindmøller verkar spesielt øydeleggjande for...