START: Dei 90 borna gjev alt ut i frå start.
START: Dei 90 borna gjev alt ut i frå start.

– Klar, ferdig, gå!

Klokka halv fire i går gjekk startskotet for motbakkeløpet Ramnanuten Opp, og mange mosjonistar i alle aldrar ville vera med på utfordringa.
Publisert 07.07.2016 kl. 08.23. Oppdatert kl. 08.30.

Halvannan time tidlegare var det dei minste som sprang over startstreken, i det kring ein kilometer lange barneløpet, som går frå SvingenPuls til Tysnes kyrkje og attende. Alle borna fekk medalje og is etter fullført løp. I fjor, då løpet vart arrangert for fyrste gong, var 68 born med og sprang barneløpet. I år var det 72.


Spreke syskenbarn

Joakim Olsen Lunde (9) var med for andre året på rad, og kom fyrst i mål i barneløpet.

– Eg kom på 4. plass i fjor, og hadde kanskje tippa på ein 3. eller 2. plass i år, seier ein nøgd Joakim, som også kunne røpa eit aldri så lite triks til framtidige deltakarar:

– Eg haldt ein stein i neven for ikkje å få sting. Det virka, men eg slapp den då eg kom i mål, og då fekk eg litt vondt i sida. Då smakte det godt med is, smiler han.

Fetteren til Joakim, Jonas Siglevik Lunde (10), vart nummer to i mål. Både han og Joakim spelar fotball til vanleg, og trur det har mykje å seia. Jonas deltok i barneløpet for fyrste gong i år, og kunne sjå seg godt nøgd med andreplassen.

– Det var kjekt å koma på 2. plass. Eg hadde eigentleg ingen tankar på førehand om korleis det kom til å gå, seier han.


Raskaste jente

Fyrst i mål av jentene var Tora Nødland Austvik (10). Ho var ikkje mange plassane bak gutane i tet, og presterte endå litt betre enn i fjor, så ho fortel ho kom i mål på tiandeplass eller der omkring.

– Eg er nøgd med korleis det gjekk no, seier ho.


Motbakkeløp for alle

Nytt av året er at det er to klassar i motbakkeløpet: Ein mosjonsklasse og ein konkurranseklasse. I fjor deltok alle i same klasse, men arrangørane såg at det var trong for å dela det opp, slik at folk kunne delta i ein klasse dei følte seg komfortable i. Skilnaden mellom klassane var at det i mosjonsklassen ikkje var tidtaking.

Bortimot 100 personar melde seg på i dei to klassane til saman, med 45 i mosjonsklassen og 60 i konkurranseklassen. I fjor var det totalt 78 deltakarar i hovudløpet.

Siste gruppe ut var konkurranseklassen, som starta halv fire.

Vinnaren blant herrene, og raskast totalt, vart Geir Storetvedt Skaten, med tida 16:13. Pernilla Epland stakk av med sigeren blant kvinnene, i år igjen, med tida 18:14. Det er over to minutt raskare enn vinnartida hennar i fjor, som var 20:31.

Sjå fullstendig resultatliste på dei vedlagte bileta.








OPPVARMING: Det er viktig å varma opp før eit løp. (Foto: Camilla Korsnes)
OPPVARMING: Det er viktig å varma opp før eit løp. (Foto: Camilla Korsnes)
FULL FART: Borna i fullt firsprang. (Foto: Camilla Korsnes)
FULL FART: Borna i fullt firsprang. (Foto: Camilla Korsnes)
RASK TIL BEINS: Tora Nødland Austvik (10) vart den raskaste jenta i barneløpet. (Foto: Camilla Korsnes)
RASK TIL BEINS: Tora Nødland Austvik (10) vart den raskaste jenta i barneløpet. (Foto: Camilla Korsnes)
MEDALJE: I barneløpet fekk alle som deltok ein medalje og ein is for å ha delteke.
MEDALJE: I barneløpet fekk alle som deltok ein medalje og ein is for å ha delteke.
VELFORTENT IS: Desse blide jentene kosa seg med is etter at dei var komne i mål. F.v. Erle (6), Ingrid (9), Ronja (8) og Anna (8). (Foto: Camilla Korsnes)
VELFORTENT IS: Desse blide jentene kosa seg med is etter at dei var komne i mål. F.v. Erle (6), Ingrid (9), Ronja (8) og Anna (8). (Foto: Camilla Korsnes)
MOSJONSKLASSEN: Kring 50 personar var påmelde i mosjonsklassen, som det ikkje var tidtaking på. Ein fin tur for heile familien!
MOSJONSKLASSEN: Kring 50 personar var påmelde i mosjonsklassen, som det ikkje var tidtaking på. Ein fin tur for heile familien!
KONKURRANSE: Det var like mange påmelde i konkurranseklassen.
KONKURRANSE: Det var like mange påmelde i konkurranseklassen.
DAMENE: Resultatliste, damer.
DAMENE: Resultatliste, damer.
HERRANE: Resultatliste, herrar.
HERRANE: Resultatliste, herrar.
PREMIEUTDELING: Dei tre beste herrane og damene fekk premie utdelt på toppen. Foto: SvingenPuls
PREMIEUTDELING: Dei tre beste herrane og damene fekk premie utdelt på toppen. Foto: SvingenPuls

Siste saker Gå til framsida

Njardar G14 med solid siger

Bjarg 4 var gjester på Reiso torsdag kveld, men dei hadde ingenting å stilla opp med mot eit godt Njardar/Tysnes lag.