KLIPPAR LANGS KOMMUNALE VEGAR: Vegen på Vågsneset er kommunal, og vart vitja av kantklipparen denne veka.
KLIPPAR LANGS KOMMUNALE VEGAR: Vegen på Vågsneset er kommunal, og vart vitja av kantklipparen denne veka.

Fjerner buskas langs kommunale vegar

Eit nytt entreprenørfirma har i år fått ansvaret for å utføra kantklipping langs dei kommunale vegane på Tysnes.
Publisert 23.09.2016 kl. 11.00.

Fana-firmaet Hamre Entreprenør AS vann i år kommunen sin anbodsrunde for kantklipping langs det kommunale vegnettet.

– Dei har kontrakten for to år pluss eitt års opsjon, fortel einingsleiar for drift og vedlikehald i kommunen, Torfinn Kongsvik.

Entreprenøren har ansvaret for å klippa langs om lag 60 kilometer med kommunale vegar.

– Me har intensjonar om å få klipt langs heile det kommunale vegnettet, men det kan variera litt etter ambisjonar og prioriteringar, seier Kongsvik.

Vanlegvis plar kantklippinga ta til kring veke 20. Arbeidet kom seinare i gong i år, på grunn av anbodsrunden. Men entreprenøren har vist seg å vera effektiv, og har allereie vore på store delar av øya.

Dagleg leiar i Hamre entreprenør AS, Andreas Hamre, opplyser at dei ventar å vera ferdige med kantklippinga på Tysnes innan to veker.

Torfinn Kongsvik seier at han har sett ein del plassar etter at kantklipparen har vore forbi, og synest resultatet ser bra ut. Og kanskje får entreprenøren meir arbeid til neste år.

– Det ligg inne i avtalen mellom kommunen og entreprenøren at ein kanskje skal klippa litt meir utover, litt utanfor det som kommunen eig langs vegane. Me vil ta ein runde på det i midten av perioden, kanskje så tidleg som til neste år, informerer Kongsvik.


Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.