LANSERING: Haaheim Gaard Blond Aale blei lansert på Chefs Dinner på Haaheim Gaard i april 2015. (Foto: Morten Haaland)
LANSERING: Haaheim Gaard Blond Aale blei lansert på Chefs Dinner på Haaheim Gaard i april 2015. (Foto: Morten Haaland)

– Overraskande at nokre miljø ikkje har meir sjølvironi

Ølet frå Haaheim Gaard med teksten «Ein lettare type øl, som høver særskilt godt til homsar og kvinnfolk» har fått oppslag i medium landet rundt.
Publisert 16.03.2017 kl. 10.30.

Etiketten til Haaheim Gaard Blond Ale blei fyrst lagt merke til på kvinnedagen i år, sjølv om ølen blei lansert allereie i 2015. Torstein Hatlevik, eigar av Haaheim Gaard som har bestemt teksten og er homofil, seier at det er overraskande at nokre miljø ikkje har meir sjølvironi.

– Eg skjønar ikkje at dei ikkje greier å sjå at det er lov å bruka sjølvironi, seier han, etter stomen har lagt seg.


– Tenkte det hadde marknadseffekt

Det var Aperitif som fyrst skreiv at etiketten nyleg hadde skapt storm i ei lukka Facebookgruppe. Dei henta også inn kommentar frå Ronja Velten i Ølakademiet, som meinte at bryggeria har eit samfunnsansvar, og ikkje bør stigmatisera grupper eller folk gjennom marknadskommunikasjonen sin.

Dette blei etterkvart snappa opp av mellom anna TV2, NRK, BA, Stavanger Aftenblad, Bladet Sunnhordland og Fredrikstad Blad.

– Såg du oppslaga koma?

– Eg skjøna at det kunne vera ein god marknadsføringseffekt. Og viss ein les kommentarane, ser ein at dei fleste synest etiketten er utelukkande morosamt. Eg tenkjer at utanfor storbyen har me litt takhøgde, og folk forstår den typen humør. I andre miljø må ein derimot vera heilt alvorleg om ein skal skapa aksept for til dømes homofili, og tenkjer ikkje at ein må normalisera det.


– Bryr meg ikkje

– Kva tenkjer du om kritikken?

– Eg synest det er morosamt at dei tenkjer sånn. Dei fleste som er kritiske synest etiketten er tåpeleg, og trur at folk kjem til å bruka det til å underbyggja stereotypar.

Sjølv bryr han seg ikkje om at enkelte er kritiske.

– Det er ikkje farleg for meg. Eg synest det er litt morosamt. Eg er ikkje ein person som må vera einig med alle saman, seier Hatlevik.


Siste saker Gå til framsida

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...

Desse hadde flest turar til Ramnanuten

Frank Hustad har igjen gjort ein stor skrifttydingsjobb, og kome fram til at det var desse 12 som gjekk mest til Ramnanuten i 2019: Ingunn Meland – 81Marita Nygård – 39Frank Hustad – 37Anette Kårstad – 24Kari Lande – 24Mathias Bakke – 23Oliver Fagerbakk – 19May-Lill Bergesen – 19Vibecke M. Gjerstad – 18Morten Bondhus –...