Utrykking til pipebrann

Det tok til å brenna i ei pipe i Våge, torsdag ettermiddag.
Publisert 17.03.2017 kl. 18.08. Oppdatert kl. 18.22.

– Det gløda litt i soten i skorsteinen då me kom. Det hadde vore litt temperatur der, det hadde det, fortel Torfinn Kongsvik, brannsjef i Tysnes kommune.

Både politi og brannvesen rykka ut då det kom inn melding om pipebrann i eit hus i Våge. Heldigvis gjekk det bra denne gongen.

Lensmann Lorentz Lunde seier at det var kome litt skade på pipa, men at med moderne piper med foring, går det som regel bra. Likevel kan det skje skade.


Kan vera skummelt

Brannvesenet trengde ikkje bruka slukkeutstyr på staden. Dei feia gjennom pipa, og tok ut glødande partiklar.

– Det var ingen dramatikk, seier Kongsvik.

Men pipebrann er ikkje noko å spøka med. Temperaturen kan bli høg, og har ein eit eldre hus, der skorsteinen ikkje er heilt etter krava, kan brannen spreia seg.

– Det kan vera skummelt om ein får spreiing til treverket i huset, seier brannsjefen.


Feia jamleg

– Det er om å gjera å fyra med tørr ved, og passeleg med ved, rår Kongsvik.

Viss ein fyrer i omnen, og ein får nokre glør i skorsteinen, kan beksot eller laust sot ta fyr inne i skorsteinen. God trekk er også viktig.

Rådet frå brannsjefen er å feia jamleg, og få eit tilsyn, slik at ein får sjekka tilstanden på fyringsanlegget. Han legg til at i huset i Våge, såg dette greitt ut.


Fyringsforbod

– Dei seinare åra har det vore veldig sjeldan pipebrann på Tysnes, fortel Kongsvik.

Ikkje oftare enn éin til to gonger i året får dei melding om pipebrann.

I Våge ventar huseigaren på tilsyn frå brannvesenet. Fram til brannvesenet har fått sjekka skorsteinen att, har huseigar fått fyringsforbod.

– Me sjekkar skorsteinen når han har blitt kald, forklarar brannsjefen.


Siste saker Gå til framsida

Skal arrangera opplæringsjakt på Tysnes

Tysnes Jakt- og Fiskelag skal til helga arrangera opplæringsjakt.– Me er så heldige at me har fått tak i opplæringsterreng her på øya, og me er også så heldige at me skal arrangera opplæringsjakt i regi av Norges Jeger- og Fiskerforbund, fortel leiar i Tysnes Jakt- og Fiskelag, Bjarte Erstad.Fredag kveld er sett av til informasjon. Sjølve jakta vil føregå laurdag og søndag. Det...

Håpar på E39-vedtak før jul

Kor Langenuen skal kryssast av den nye ferjefrie E39, kan bli avgjort før jul. Det fortel prosjektleiar for E39 Stord-Tysnes-Os, Signe Eikenes, til «Tysnes».Dei to alternativa som det står mellom er sørleg kryssing ved Hodnanes-Jektevik (biletet) og eit midtre alternativ ved Raunholm-Neshamn. Kommunestyret i Tysnes har gått inn for kryssing i sør. Det har også nabokommunane.– Me...