ULYKKE: Lastebilen klarte ikkje å halda seg på vegen på det glatte føret. (Foto: Ingunn Gjærde)
ULYKKE: Lastebilen klarte ikkje å halda seg på vegen på det glatte føret. (Foto: Ingunn Gjærde)

Lastebil velta på glatta

Laurdag føremiddag rykka politi og brannvesen ut til ei trafikkulykke i Gjersvik.
Publisert 18.03.2017 kl. 12.48. Oppdatert 19.03.2017 kl. 14.04.

Ein lastebil på veg mot Våge sklei av vegen i ein sving, og velta, laurdag føremiddag. Det var éin person i lastebilen, og det vart ingen personskade. Ulykka skjedde på riksveg 49, i Hegglandsvegen.

Trond Bakkane, utrykkingsleiar i Brannvesenet i Tysnes fortalde at meldinga om ulykka kom inn klokka 9:49.

– Det var veldig glatt her då me kom, sa Bakkane.

Brannvesenet fekk raskt tinga saltebil til staden.

Lastebilen har sklidd over i motstett køyrebane, og hamna i grøfta på andre sida av vegen.


Glatt føre

Ein kollega av den forulykka lastebilsjåføren, kom køyrande rett etter lastebilen.

– Det gjekk ikkje an å gå her. Det var veldig glatt, fortalde han til «Tysnes».

Ein nabo til ulykkesstaden og kollegaen melde begge frå om ulykka til naudetatane.

Ifølgje sjåføren sjølv, hjelpte det ikkje med låg fart og nye dekk.

– Bilen la seg over på sida, fortalde han.

Politiet rykka ut frå Fusa, og det tok rundt 1 time og 15 minutt før dei var på staden.

– Det tar litt tid dessverre, sa John Anton Kvinnesland, politibetent ved Fusa og Tysnes lensmannsdistrikt.

– At det er glatt på staden har hatt stor påverknad på kva som har skjedd, forklarde han.


Kjend ulykkesstad

– Svingen her er berykta, uttalte ein i brannvesenet.

Klokka 11:30 venta ein framleis på bergingsbil frå Bergen, og naudetatane var då framleis på staden.

Ein venta på 12-ferja, med bergingsbilen som kunne utføra tungredning, om bord.

Klokka 13:15 var lastebilen fjerna frå ulykkesstaden.

Politiet skal ikkje ha fått inn fleire meldingar om trafikkulykker i Tysnes, på det glatte føret.

Sjåføren opplyser til «Tysnes» søndag, at lastebilen fekk mindre skadar.


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...