STORSIGER: Tysnes IL sitt damelag i 6. divisjon scora over dobbelt så mange mål som heimelaget då dei gjesta Mathopen i helga. Sluttresultatet vart imponerande 17-39. (Arkivfoto)
STORSIGER: Tysnes IL sitt damelag i 6. divisjon scora over dobbelt så mange mål som heimelaget då dei gjesta Mathopen i helga. Sluttresultatet vart imponerande 17-39. (Arkivfoto)

Tysnesdamene knuste Mathopen

Stillinga vart ikkje mindre imponerande enn 17-39 då Tysnes sine 6. divisjonsdamer vitja Mathopen søndag.
Publisert 20.03.2017 kl. 15.22. Oppdatert kl. 15.51.

– Denne kampen var me ganske spente på, sidan me i forkant av kampen fekk ein del fråfall, i tillegg til at fleire av spelarane ikkje var heilt pigge, fortel trenar Jorunn Dalland om kampen som skulle visa seg å enda i laget sitt beste resultat denne sesongen.


Sprang frå heimelaget

Pigge eller ei, tysnesspelarane som stilte til kamp i Mathopen Idrettshall var uansett supertente, og det kan ein trygt seia at heimelaget fekk merka.

– Sjølv om Mathopen fekk inn det fyrste målet, så sprang Tysnes frå dei. Dei heldt eit utruleg tempo i fyrste omgang, noko dei fekk full utteljing for.

Til pause stod det 6-21 i Tysnes sin favør. Og med ei slik overkøyring var det nesten slik at ein syntest synd på heimelaget, som på ingen måte hadde sjanse til å vinna poeng denne dagen.

– Ja, eg har aldri har sett dette laget så PÅ. Det var nett som i fjorårets sesong, fortel Dalland oppglødd.


Imponerande sluttresultat

Men sjeldan klarar ein å halda same tempoet i to omgangar.

– Det gjorde me ikkje i denne kampen heller, sjølv om det ikkje var langt unna. Ein vart litt slappe i forsvar, så Mathopen fekk inn litt for mange enkle mål.

– Men me tok ikkje det så nøye, for me fekk inn 18, og dermed vart sluttresultatet 17-39 til oss, avsluttar trenaren nøgd.

Desse var med: Ragnhild Dalland, Isabel Rosvold Vik, Kristin van der Meeren (6), Linn Bergesen (6), Eline Teigland Bakke (3), Lena Nordal (1), Sara Reimdal Vee (2), Martine Siglevik Lunde (5), Ina Borlaug (16) og Tea Kleppe.

Les meir i papiravisa på torsdag.


Siste saker Gå til framsida

E39 Stord-Os kan vera ferdig om ti år

– Me skal klara å ha planarbeidet klart til dei oppsette fristane. Det inneber at E39 Stord-Os kan stå ferdig om ti år. Det er finansieringa det vil stå på.

Hjort sprang på bil

Natt til søndag fekk ein hjort eit ublidt møte med ein forbipasserande bil på Heggland.

Tre gravferdsdagar i Tysnes

I ei rekkje år har det vore ei fast ordning i Tysnes med tysdagar og fredagar som faste gravferdsdagar.No er dette endra til tysdag, torsdag og fredag.– Bakgrunnen er at me ikkje ynskjer to gravferder på fredagar. Med to vanlege gravferder må dei som er gravarar stå overtid, og det ynskjer me ikkje fredag ettermiddag, informerte kyrkjeverje Marianne Storetvedt på møtet i...