NØGDE: Fransisca Gorge (t.v) saman med Bruna Coelho og Ingrid Elizabeth Rossebø Robinson nyt påskefrukosten.
NØGDE: Fransisca Gorge (t.v) saman med Bruna Coelho og Ingrid Elizabeth Rossebø Robinson nyt påskefrukosten.

Stemningsfull frukost i kyrkja

Fyrste påskedag var det duka for påske-frukost i Tysnes kyrkje, etterfølgt av gudsteneste.
Publisert 16.04.2017 kl. 14.22.

I mange år har det blitt arrangert påskefrukost i Tysnes kyrkje, og i år var heller ikkje noko unntak. Då klokka blei halv ti, var bordet fullt med blide gjester klare for å eta frukost i kyrkja.


Mat til alle

Inni kyrkja var det dekka eit langbord med mykje god mat, lukta av nytrekt kaffi møtte gjestene då dei kom. Her var det mat for einkvar, og gjestene såg ut til å nyta måltidet. Før maten vart det songe ei bordbøn, og folk utveksla påskehelsingar.


Langvegsfarande

Det var ikkje berre tysnesingar som hadde teke turen til frukosten, blant dei som var der sat Fransisca Gorge frå Tanzania og Bruna Coelho frå Brazil. Dei var invitert til Tysnes av Gudrun Rossebø, for å bli i påska. Fransisca og Bruna reiste i samband med KFUK og KFUM, som er ein kristen solidaritetsorganisasjon. Her får damene reisa mykje, og før dei kom til Tysnes fekk dei òg vera med å fortelja konfirmantar om organisasjonen.  Dei kom til Norge i januar, og skal bli til mai.  Rundt bordet var det utveksling av interessante historier frå dei ulike kulturane, og damene var nøgde med besøket.

– Dette er heilt fantastisk, sa dei i kor fleire gangar. 


Flamingo i kyrkja

I eit tidlegare nummer av bladet Tysnes kunne ein lesa om Marit Isaksen Espedalen si innhaldsrike påskehelg, der ein blei oppmoda til å ta turen til Tysnes kyrkje for å sjå om Marit stilte i kyllingkostyme. Dette stemte, nesten. Marit er ikkje redd for å kle seg ut, men då ho var på jakt etter kyllingkostyme var det næraste ho kom ein flamingo hatt. Trass i feil kostyme, vart det utdeling av påskeegg med snop i til allsongen «Ein liten kylling». Etter måltidet var det tid for gudsteneste.

– Me feiger aldri ut i kyrkja, sa Marit då ho dukka opp i kostymet.


MYKJE GODT: Maten fall i smak hos alle som hadde teke turen til kyrkja fyrste påskedags morgon.
MYKJE GODT: Maten fall i smak hos alle som hadde teke turen til kyrkja fyrste påskedags morgon.
FLAMINGOHATT: Her deler Marit ut påskeegg iført flamingo-kostyme.
FLAMINGOHATT: Her deler Marit ut påskeegg iført flamingo-kostyme.

Siste saker Gå til framsida

– Kjenner at ein lever!

Lyden er ikkje til å ta feil av. Små, rytmiske bølgeskvulp. Tre kajakkar glir gjennom vassoverflata. «Tysnes» utforskar området utanfor Lunde i kajakk, saman med lokalkjende Monica og Gudrun. Den eine vesle perla etter den andre, blir avdekka. – Det er spanande å gå inn i slike smau, seier Gudrun og skyt fart innover Koløysundet.

Nok ei ny imponerande festivalhelg

Til å bli imponert av, skreiv «Tysnes» på leiarplass 14. juli i fjor.Me blir ikkje mindre imponerte i år.Tysnesfest 2017 vil gå inn i historiebøkene med nok ein ny publikumsrekord. Meir enn 32.000 besøkjande innom dei mange festivalarrangementa er berre imponerande. Det er rett og slett ufatteleg at det går an på Tysnes.For å ta opp att ein setning frå i fjor: For berre få...

Stoppestad OnarHamn på veg sørover

– Me hadde høyrt så mykje positivt om den nye hamna på Onarheim. Me måtte berre sjå korleis det såg ut, seier Oddny og Birger Heggeland frå Os, og Hege Morken og Rune Ulvatn frå Manger.