STOD PÅ: Njardar-spelarane med Morris Skulstad som kaptein stod på til siste slutt, og fekk betalt for det med scoring heilt på tampen.
STOD PÅ: Njardar-spelarane med Morris Skulstad som kaptein stod på til siste slutt, og fekk betalt for det med scoring heilt på tampen.

Spelte uavgjort mot Os 3

Njardar/Tysnes sitt a-lag spelte måndag treningskamp mot Os 3 på Reiso. Kampen enda 3-3.
Publisert 18.04.2017 kl. 10.17. Oppdatert kl. 10.19.

Os vart seriemeister i 7. divisjon førre sesong, og vann då begge sine kampar ganske klart mot Njardar. Osingane vann også med eitt mål då Njardar spelte treningskamp mot dei tidlegare i vår.


Tidleg leiing til Os

Treningskampen 2. påskedag vart jamn. Os tok leiinga på straffespark etter berre eitt minutt spel, men Ørjan Pettersen utlikna seint i omgangen, og det stod 1-1 til pause.

Fyrste del av 2. omgang var det stort sett einvegskøyring mot Njardar sitt mål. Likevel klarte Os berre å setja ein ball i nota i denne perioden, mykje takka vera godt defensivt spel av heimelaget.


Utlikning i siste minutt

Så klarte Njardar å koma seg litt høgare på banen. Det resulterte i at Arild Ebbesvik vakkert reduserte til 2-2. Like etter svara gjestene og gjekk opp i 3-2 leiing.

Men Njardar-spelarane stod på, og med det aller siste sparket i kampen var Aksel Lande kjapt frampå ein retur og sikra dermed uavgjort for gultrøyene. Dette lovar bra føre fyrste seriekamp i slutten av månaden.


FIN SCORING: Ørjan Pettersen scora Njardar sitt fyrste mål etter fint forarbeid av Børge Pedersen.
FIN SCORING: Ørjan Pettersen scora Njardar sitt fyrste mål etter fint forarbeid av Børge Pedersen.

Siste saker Gå til framsida

– Kjenner at ein lever!

Lyden er ikkje til å ta feil av. Små, rytmiske bølgeskvulp. Tre kajakkar glir gjennom vassoverflata. «Tysnes» utforskar området utanfor Lunde i kajakk, saman med lokalkjende Monica og Gudrun. Den eine vesle perla etter den andre, blir avdekka. – Det er spanande å gå inn i slike smau, seier Gudrun og skyt fart innover Koløysundet.

Nok ei ny imponerande festivalhelg

Til å bli imponert av, skreiv «Tysnes» på leiarplass 14. juli i fjor.Me blir ikkje mindre imponerte i år.Tysnesfest 2017 vil gå inn i historiebøkene med nok ein ny publikumsrekord. Meir enn 32.000 besøkjande innom dei mange festivalarrangementa er berre imponerande. Det er rett og slett ufatteleg at det går an på Tysnes.For å ta opp att ein setning frå i fjor: For berre få...

Stoppestad OnarHamn på veg sørover

– Me hadde høyrt så mykje positivt om den nye hamna på Onarheim. Me måtte berre sjå korleis det såg ut, seier Oddny og Birger Heggeland frå Os, og Hege Morken og Rune Ulvatn frå Manger.