Forkomen mann sendt i luftambulanse

Publisert 20.04.2017 kl. 10.14. Oppdatert kl. 10.16.

Ein forkomen mann som fyrste påskedag om morgonen vart funnen i Hagaresvegen på Onarheim, vart sterkt nedkjølt sendt i luftambulanse til Haukeland.

Lensmann Lorentz Lunde fortel at politiet fekk melding klokka 08.43. Mannen skal ha vore ute og gått om natta. Han blei funnen i veggrøfta om morgonen.

– Me har ikkje grunn til å tru at det har skjedd noko straffbart. Han var ikkje påført noko skade som kan forklara at han låg der. Me veit ikkje meir før me har fått snakka med mannen, seier lensmannen.

– Det ser ut som det går bra med han no, men han er framleis på Haukeland, fortalde lensmannen til «Tysnes» tysdag etter påske.

Politiet har sikra seg ein del vitneforklaringar, men veit så langt ikkje kva som kan ha skjedd med den eldre mannen.


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...