TIL JENSVOLL: Forfattar Haldis Reigstad vitjar Jensvoll bedehus søndag. (Foto frå Jensvoll bedehus)
TIL JENSVOLL: Forfattar Haldis Reigstad vitjar Jensvoll bedehus søndag. (Foto frå Jensvoll bedehus)

Til vårfest på Jensvoll bedehus

Haldis Reigstad er hjelpepleiaren som vart forfattar i vaksen alder. Søndag kjem ho til Jensvoll bedehus.
Publisert 21.04.2017 kl. 08.29.

Det er den årlege vårfesten som står på programmet på bedehuset på Jensvoll fyrstkomande søndag 23. april når Haldis Reigstad kjem på besøk.

– Me trur det vert eit spennande møte, seier Kirsten Nesse, som ynskjer folk velkomen til Jensvoll.

Sidan 1987 har Reigstad gitt ut 19 diktsamlingar i eit samla opplag på nærare 90.000 bøker. Mange av dikta er tonesett, og ein finn dei både i Sangboka og den nye salmeboka.

– Reigstad er oppteken av naturen, kristen tru og menneskelege erfaringar som motgang, håp og trøyst. Hennar likeframme og tillitsfulle stil har funne gjenklang i mange hjarte. Den kjende produsenten og komponisten, Trond Andersen har karakterisert Haldis som «vår tids Lina Sandell». Han meinte dei begge hadde same evne til å leggja orda i folkemunn, slik at dei kunne kjenna seg att, informerer Nesse, og karakteriserer Reigstad som ein omsorgsperson, noko som kjem tydeleg fram i diktinga hennar.


Siste saker Gå til framsida

Leiar: Gratulerer med nytt og flott omsorgssenter!

Onsdag 22. november 2017 vil for alltid stå som ein stor merkedag i Tysnes. Etter fleire år med anleggsarbeid var det endeleg klart for snorklypp og for opningsfest for den største investeringa nokosinne i Tysnes kommune i soge: Eit heilt nytt og flott omsorgssenter.Det er berre å stilla seg i køen av gratulantar. Det er ikkje anna enn kjempeflott at politikarane i Tysnes etter lange og...

– Me leitar etter det skjulte potensialet i elevane

– We are the world, we are the children!Ungdommane syng av full hals frå scenen i musikkavdelinga ved Tysnes skule. Med blikket mot dei og ein gitar på kneet, står lærar Arne Kleppe og syng med. Tre veker er att til det tradisjonsrike juleshowet i Vonheim, og ideane som har mognast i haust byrjar å bli testa ut. – Me har ein del program og mange idear, men me er ikkje heilt...