FIRE SPREKE BORN: Mari (bakerst) Karl Theodor, Sara og Sebastian sit på Kråkesteinen og er halvvegs oppe på Liafjellet skjærtorsdag.
FIRE SPREKE BORN: Mari (bakerst) Karl Theodor, Sara og Sebastian sit på Kråkesteinen og er halvvegs oppe på Liafjellet skjærtorsdag.

Påska 2017 i Hålandsneset

Påska i Hålandsneset har i år vore like travel og sosial som ho plar vera.
Publisert 21.04.2017 kl. 11.00.

Bygdefolka og tilreisande møttest på dei mange aktivitetane som dukka opp. Flott song, masse gevinstar og kaffi med noko attåt gjorde starten på påska til ein «flying start».

Årsmøtet i Hålandsneset Grendalag vart avvikla etter fjellturen til Liafjellet, med bra oppmøte. Det nye sanitærbygget står ferdig og økonomien til laget er god. Generelt vedlikehald av hus og gravplass er fyrste prioritet i år også. Den aukande interessa for turstiar gjer at det vert ein del dugnadar rundt om i skog og fjell.

Grendalaget er svært godt nøgd med oppmøtet på dei ulike aktivitetane i påska. Alt skjer i konkurranse med bubilferie, familiesamankomstar og skiferie på høgfjellet. Det er spesielt gledeleg at ungdom og born er med. Grendalaget satsar friskt og håpar å auka aktiviteten framover.

Dei mange positive attendemeldingane inspirerer til meir innsats.





TRILLINGAR:  Sara, Nora og Thea med pappa Anders Lundevold prøver å tilpassa seg at bedehuset som vanleg er stappfullt onsdagskvelden.
TRILLINGAR: Sara, Nora og Thea med pappa Anders Lundevold prøver å tilpassa seg at bedehuset som vanleg er stappfullt onsdagskvelden.
STILTE MED KAKE: Emily og Bente Fossmo heldt på å gleppa på påskefesten laurdag, men «rakk» påmeldinga sidan dei dukka opp med nybaka kake til nattkaféen.
STILTE MED KAKE: Emily og Bente Fossmo heldt på å gleppa på påskefesten laurdag, men «rakk» påmeldinga sidan dei dukka opp med nybaka kake til nattkaféen.
GODT OPPMØTE: På toppen av Liafjellet var det rett folksamt, me talde til kring 50 personar.
GODT OPPMØTE: På toppen av Liafjellet var det rett folksamt, me talde til kring 50 personar.
FRÅ TUR TIL MØTE: Årsmøtet i grendalaget vart avvikla etter fjellturen med bra oppmøte.
FRÅ TUR TIL MØTE: Årsmøtet i grendalaget vart avvikla etter fjellturen med bra oppmøte.

Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...