MOBIL: Om mobiltelefonen ikkje virkar, og du treng helsehjelp, er Tysnes sjukeheim døgnopen, opplyste kommunen. (Illustrasjonsfoto)
MOBIL: Om mobiltelefonen ikkje virkar, og du treng helsehjelp, er Tysnes sjukeheim døgnopen, opplyste kommunen. (Illustrasjonsfoto)

No fungerer mobilnettet igjen

Feilen er no retta, fortel Telenor. Uforutsette komplikasjonar då fiberbrotet skulle reparerast, gjorde at tysnesingar måtte venta til laurdag på å få nettet tilbake.
Publisert 28.04.2017 kl. 17.07. Oppdatert 02.05.2017 kl. 11.42.

Klokka 12:18 laurdag ettermiddag, kunne Telenor koma med ei gledeleg nyheit. Feilen er retta.

Fiberbrotet som hende fredag, har skapt utfordringar for både butikkar, helsevesen og privatpersonar på Tysnes. Men no skal altså nettet vera oppe å gå igjen.

I ni-tida laurdag morgon, hadde Telenor framleis ikkje klart å retta feilen på mobilnett og breiband i Tysnes.

Fiberbrotet på Fitjar var vanskelegare å reparera enn ein først trudde.

– Det oppstod uføresette komplikasjonar då me skulle skøyta fiberen, og me har dessverre ennå ikkje fått retta feilen, fortalte Anders Krokan, informasjonssjef i Telenor, laurdag morgon.

Telenor heldt då framleis på med rettearbeidet.


Halve Tysnes nede

Klokka ni fredag kveld kunne Krokan informera om at feilen var funnen.

– Halvparten av basestasjonane på Tysnes er nede, og mange vil nok ha lite mobildekning, fortalde han til «Tysnes».

Krokan kom likevel med noko godt nytt.

– Me har funne staden brotet skjedde, og begynt med rettearbeidet. Me treng likevel noko tid på akkurat det. Utan noko uføresette skal nettet vera oppe igjen om fire-fem timars tid, var meldinga frå informasjonssjefen fredag kveld.


Overriven fiberkabel

Årsaka til problema er ein fiberkabel som er riven av, ved Hageberg i Fitjar. Fiberbrotet har skjedd på land.

– Det er uansett kjedeleg for dei som er ramma, blant anna ein del breibandskundar, sa Krokan.

Fasttelefoni skal fungera som normalt, men om ein nyttar mobiltelefon, kan ein ha problem med å ringja.

Tysnes kommune melder på sine heimesider at delar av mobilnettet er ute av drift.

Helge Drange, konsulent i kommunen, seier at problema i alle fall gjeld i Uggdal og Våge.

Telenor bekrefta fredag ettermiddag at dei har ein feil som får konsekvensar for både mobil og breiband.

– Litt over 100 breibandskundar er råka, samt at det er eit klart mobilutfall, seier Krokan.

Telenor opplyste klokka fem fredag, at dei ikkje hadde funne feilen, og at det var uvisst kor lang tid det tar å retta han opp.


Sjukeheimen er døgnopen

Treng du helsehjelp, har Tysnes kommune følgjande råd:

– Om nokon treng lege og ikkje har mobildekning eller har tilgang til fasttelefon og dermed ikkje får ringt legevakt på 116117 eller nødnummeret 113, kan ein møta opp på Tysnes sjukeheim for å ringja. Tysnes sjukeheim er døgnopen, skriv kommunen.


Siste saker Gå til framsida

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...

Desse hadde flest turar til Ramnanuten

Frank Hustad har igjen gjort ein stor skrifttydingsjobb, og kome fram til at det var desse 12 som gjekk mest til Ramnanuten i 2019: Ingunn Meland – 81Marita Nygård – 39Frank Hustad – 37Anette Kårstad – 24Kari Lande – 24Mathias Bakke – 23Oliver Fagerbakk – 19May-Lill Bergesen – 19Vibecke M. Gjerstad – 18Morten Bondhus –...