PÅ HORN: Elisabeth Sælen Helgesen (14) spelte horn på UKM i Bergen i helga. (Foto: UKM)
PÅ HORN: Elisabeth Sælen Helgesen (14) spelte horn på UKM i Bergen i helga. (Foto: UKM)

– Veldig kjekt å delta på UKM

– Det var fyrste gongen eg stod heilt åleine på ein scene. Det var litt skummelt, men det vart kjekt og.
Publisert 05.05.2017 kl. 14.00.

Det seier Elisabeth Sælen Helgesen (14), som var den yngste av tysnesingane som i helga deltok på UKM i Bergen.


Fullt program

Arrangementet var lagt opp som eit seminar og tok til fredag kveld og vart avslutta søndag ettermiddag, med fullt program kvar dag.

– Det var veldig bra opplegg og unge og flinke leiarar. Eg vart godt teken imot, seier Elisabeth Sælen Helgesen.

Elisabeth deltok i kategori Brass. Ho framførte musikkinnslaget sitt, «Demelza» av Hugh Nash på horn. Det var det same innslaget som ho framførte i Tysneshallen i vinter.

Ho framførte programminnslaget sitt laurdag kveld.

– Det var fyrste gongen eg stod på scenen heilt åleine. Det var litt skummelt, men det gjekk fint, seier Elisabeth, som fekk mange nye vener etter ei heil helg på UKM i Bergen.


Kristin og Tiril

Dei to andre deltakarane frå Tysnes var Kristin Bakkane Skorpen (18) og Tiril Falch Solheim (19). Begge stilte ut teikningar.

– Eg har lenge likt å teikna og arbeider med å forbetra meg i teikning når eg ikkje er oppteken med skule og vener, seier Tiril til UKM si nettside.

Kristin Skorpen hadde kalla utstillinga si «Ikkje alle heltar brukar kappe» og handlar om å heidra korleis hundar kan hjelpa. Kristin har sjølv ein hund som har bidrege til å redda skadde dyr.

– Eg håpar folk som ser kunsten skjønar og forstår kor mykje dyra har å seia for oss menneske, seier Kristin til UKM si nettside.

– Å sjå sitt eige bilete på veggen gjer meg stolt. Slik er det vel for alle som er med på UKM, seier ho.


STOLT: Kristin Bakkane Skorpen med utstillinga «Ikkje alle heltar brukar kappe» på UKM i Bergen i helga. (Foto: Ola Kvamsdal/UKM)
STOLT: Kristin Bakkane Skorpen med utstillinga «Ikkje alle heltar brukar kappe» på UKM i Bergen i helga. (Foto: Ola Kvamsdal/UKM)

Siste saker Gå til framsida

Ny singel frå Symra

– Me skal sleppa ein låt som heiter «Purple Sweater». Det er den nyaste av dei låtane me har spelt inn så langt, seier Øyvind Kleppe i Symra.