GLAD I DYR: – Å sjå sitt eige bilete på veggen gjer meg stolt, sånn er det vel for alle som er med på UKM, uttalte Kristin Skorpen i eit intervju med UKM nyleg. Ho håpar at folk som ser kunsten hennar forstår kor viktig dyra er for oss menneske. (Foto: Ola Kvamsdal)
GLAD I DYR: – Å sjå sitt eige bilete på veggen gjer meg stolt, sånn er det vel for alle som er med på UKM, uttalte Kristin Skorpen i eit intervju med UKM nyleg. Ho håpar at folk som ser kunsten hennar forstår kor viktig dyra er for oss menneske. (Foto: Ola Kvamsdal)

Kristin Skorpen vidare til nasjonal UKM-festival

18 år gamle Kristin Skorpen frå Tysnes er ein ein av fire deltakarar innan kategorien kunst som har gått vidare frå UKM si fylkesmønstring i Hordaland.
Publisert 10.05.2017 kl. 14.00. Oppdatert kl. 14.10.

Det melder UKM på sine nettsider, etter at eit svært imponert fagpanel har klart å koma fram til ei avgjerd om kven som får gå vidare til den nasjonale UKM-festivalen.

Kristin Skorpen deltek med kunstutstillinga «Ikke alle helter bruker kappe», der ho ynskjer å heidra korleis hundar kan vera til god hjelp for oss tobeinte. Inspirasjonen til å laga teikningane fann ho i TV-serien «Hundrepatruljen».

21. til 25. juni skal ho som einaste deltakar frå Tysnes representera Hordaland under UKM-festivalen i Sandnes, der ungdomar frå heile landet får visa fram talenta sine. Deltakarane skal i tillegg jobba kreativt med å laga nye framsyningar, installasjonar og kunstverk saman med andre.

Det var i år 825 påmelde til UKM i Hordaland. Sjå oversikt over kven av desse som går vidare til UKM-festivalen her.


Siste saker Gå til framsida

Forventar ein kjekk konsert

– Julekonserten er ein årleg tradisjon. Onarheim Musikklag har hatt den så lenge eg har spelt med dei, for å seia det sånn, fortel Magne Storesætre.