FOLKETOG: Folketoget starta ved Rotthaugen, nedanfor det nye byggjefeltet Henningshagen. Her passerer dei bedehuset på Onarheim.
FOLKETOG: Folketoget starta ved Rotthaugen, nedanfor det nye byggjefeltet Henningshagen. Her passerer dei bedehuset på Onarheim.

– Ja, eg gler meg til 17. mai på Onarheim

Sola skin opp og dannar ei fin ramme om 17. mai-feiringa på Onarheim som tok til med folketog frå Rotthaugen til kyrkja.
Publisert 17.05.2017 kl. 20.07. Oppdatert kl. 20.21.

– Ja, eg gler meg til 17. mai-feiringa, og spesielt til leikane, seier Victora Bjørnevik Myklebust (4). Ho står klar saman med mamma Jannike for å slå følgje med folketoget.

Onarheimsfjorden ligg nesten blikkstille på denne vakre maidagen, i det toget passerer forbi bedehuset og den tidlegare butikken i Neset, og vidare framom skulen og til kyrkja.

I Onarheimskyrkja inviterer sokneprest Marit I. Espedalen til festgudsteneste. Ei fin høgtidsstund på Norge sin bursdag, som vart innleia med No livnar det i lundar og avslutta med Ja, vi elsker dette landet.

I kyrkja fekk me høyra fleire flotte songar av elevar ved Onarheim skule og Onarheim barnehage. Og kyrkjelyden takka med applaus.– Det er ikkje lett å halda preika etter eit slikt fantastisk innslag, men eg skal prøva, kommenterte soknepresten.I preika minna ho om kor godt me har det i Norge i dag, men at det ikkje alltid har vore slik. Det var ikkje berre enkelt for dei som opplevde dei fem krigsåra.

Etter gudstenesta la Lea Skaten ned krans ved minnestøtta, og minnast dei som kjempa for fedrelandet under krigen.

Folketoget heldt fram til skulen, der det var program for dagen. Her var det både betasuppe og kaffi og kaker, og sjølvsagt is, pølser og brus. Leikar og konkurransar var det og i mange ulike variantar, for både små og store, etter at Lars Mæland hadde ynskt velkomen og ordførar Kåre Martin Kleppe hadde halde tale for dagen.







GLER SEG: Victoria Bjørnevik Myklebust (4) er klar til 17. mai-feiring.
GLER SEG: Victoria Bjørnevik Myklebust (4) er klar til 17. mai-feiring.
FESTDAG: Glimt frå prosesjonen, som her er på veg inn til kyrkja.
FESTDAG: Glimt frå prosesjonen, som her er på veg inn til kyrkja.
FLINKE BORN: Elevar frå Onarheim skule og Onarheim barnehage underheldt i kyrkja. Ida Meland er dirigent.
FLINKE BORN: Elevar frå Onarheim skule og Onarheim barnehage underheldt i kyrkja. Ida Meland er dirigent.
VED MINNESTØTTA: Lea Skaten heldt tale ved minnestøtta, og la ned krans.
VED MINNESTØTTA: Lea Skaten heldt tale ved minnestøtta, og la ned krans.
POTETLØP: - Det var veldig kjekt å plukka poteter, seier Aleksander S. Lunde (6) og Thea Helgesen Skorpen (6), som koste seg i ballbingen der det var ulike leikar.
POTETLØP: - Det var veldig kjekt å plukka poteter, seier Aleksander S. Lunde (6) og Thea Helgesen Skorpen (6), som koste seg i ballbingen der det var ulike leikar.
PÅ STYLTER: Mari Rennesvik Borgen (snart 7) prøvde seg på stylter. Fredrik Hansen hjelper litt til.
PÅ STYLTER: Mari Rennesvik Borgen (snart 7) prøvde seg på stylter. Fredrik Hansen hjelper litt til.

Siste saker Gå til framsida

No lyser dei opp i mørket

– Viss eg ikkje har refleks kan bilane køyra på meg, forklarar Askild (5) frå Stjerneresio barnehage til «Tysnes».

Stor siger for ungdom

Bussbilletten blir ikkje 40 kroner dyrare likevel. Malene Kristine Meidell Alsaker gledar seg på vegner av ungdom i Hordaland.