VART HEIDRA: Martin Tengesdal (nummer to frå høgre) vart heidra av Rødnetilsette. F.v. dagleg leiar Lars Rødne, kollega Tom Andreassen og vikarierande skipper Sigmund Sandvik frå Tysnes.
VART HEIDRA: Martin Tengesdal (nummer to frå høgre) vart heidra av Rødnetilsette. F.v. dagleg leiar Lars Rødne, kollega Tom Andreassen og vikarierande skipper Sigmund Sandvik frå Tysnes.

Rødne heidra skulebåtskipperen

Skipper Martin Tengesdal på Rødne-båten Rygerkatt i skuleruta Våge-Reksteren-Os vart tysdag heidra av Rødne-tilsette etter 45 år i selskapet.
Publisert 19.05.2017 kl. 15.18. Oppdatert kl. 18.11.

Kring 15 tilsette i Rødne-selskapet, med dagleg leiar Lars Rødne i spissen, kom tysdag eins ærend med eigen snøggbåt frå Sjernarøy til Våge, for å henta Tengesdal heim til kake- og kaffifeiring i Rødnelokala. Tre timar kvar veg tok turen Sjernarøy -Våge.

– Me har invitert alle som har jobba tett med Martin dei siste åra til å vera med på båtturen, og fleire blir med på samlinga etterpå, fortel dagleg leiar Lars Rødne til «Tysnes», før reisefølgjet set turen tilbake til Ryfylke.

Det er truleg få arbeidarar kringom i Norge som har vore 45 år i same selskap. Martin Tengesdal var 15 år då han begynte som matros 1. juni 1972. I tillegg jobba han på kassafabrikken og skar materialar til fleire hus. Rødne hadde sagbruk også på den tida. Seinare vart det berre båt, og Martin Tengesdal har gått gradene, frå matros til motorpassar, og til skipper på Rødnebåtane frå 1979. Sidan 2004 har han vore på Rygerkatt, som gjekk i faste ruter i Ryfylke før han for eit par år sidan kom til Tysnes.

16. mai var siste ordinære arbeidsdag for Martin Tengesdal.

– No skal eg bli pensjonist heime på Sjernarøy med gard og sauer, seier han.


Siste saker Gå til framsida

Pernilla sette ny pers

Fredag sprang Pernilla Eugenie Epland 3000 meter på Tyrvinglekene på Nadderud. Tida 9,30,84 gav ho 4. plass, og ei forbetring av den personlege rekorden hennar med 2,5 sekund.– Løpet var greitt, det var mykje vind på Nadderud, men eg fekk meg ei «klynge» å springa i, fortel Pernilla til «Tysnes». Etter kvart gjekk det litt seint, og ho ville forbi. Då måtte ho nesten ut i bane 3...

Fire Hordfast-alternativ på anbod

Måndag lyste Statens vegvesen ut anbod for planlegging av ny bru på E39 over Bjørnafjorden. To selskap skal få jobben med å parallelt sjå på fire alternativ for ei ny flytebru. Alternativa er: 1. Flytebru i boge, berre forankra på land på begge sider. 2. Flytebru i boge forankra på begge sider, men med forankringar som kan aktiverast ved katastrofe. 3. Rettlina flytebru...