AMBASSADØR FOR STOPP HATPRAT: Tysnesjenta Emilie Haugstad er ein av ambassadørane i kampanjen Stopp Hatprat, der ungdommar frå heile landet engasjerer seg mot hatprat og for menneskerettar på nett.
AMBASSADØR FOR STOPP HATPRAT: Tysnesjenta Emilie Haugstad er ein av ambassadørane i kampanjen Stopp Hatprat, der ungdommar frå heile landet engasjerer seg mot hatprat og for menneskerettar på nett.

Kjempar mot nettrolla

– Me skal svara dei som skriv stygge kommentarar på nettaviser og i sosiale medier, seier Emilie Haugstad.
Publisert 20.05.2017 kl. 08.00.

Ho er ein av ambassadørane i kampanjen Stopp Hatprat, der ungdommar frå heile landet engasjerer seg mot hatprat og for menneskerettar på nett.

– Me vil bidra til at det blir færre stygge kommentarar på nettet, og har planlagt at me skal svara på dei som skriv hatefulle ytringar på Facebook og i nettaviser, seier Haugstad.

– Me skal svara dei med vår eigen Facebook-konto, men skriva hashtag Stopp nettprat, for å visa at det er ein del av kampanjen, seier ho, som går i 10. klasse ved Tysnes skule.


Søkte om å bli med

Kampanjen er ein del av den europeiske No Hate Speech Movement, ei rørsle starta av Europarådet si ungdomsavdeling i 2013, som i dag har kampanjekomitear i over 40 land. Haugland synest arbeidet såg interessant ut, og søkte om å bli ambassadør i vår.

– Eg er politisk engasjert, og tenkte at eg kan forsvara dei som ikkje tør å svara på hatefulle ytringar sjølv, seier Haugstad, som er aktiv i Framstegspartiet sin ungdomsorganisasjon (FpU).

Fyrste møte blant dei nye ambassadørane gjekk føre seg for nokre månadar sidan.

– Møtet gjekk også med på å planleggja kva dei skal gjera resten av året og til å bli kjent med kvarandre. Neste samling er i juni, forklarar ho.


Engasjert i politikken

Haugstad har vore politisk interessert så lenge ho kan hugsa, men melde seg fyrst inn i FpU i byrjinga av året.

– Hjartesaka mi er eldrepolitikken. Eg synest det er viktig at dei eldre har det bra. Dei har bygd landet, og fortener ein god alderdom, seier ho, som også er oppteken av likestilling.


Siste saker Gå til framsida

Lesarinnlegg angåande dette koronaviruset

Synest det blir i mestelaget med «skremselspropaganda» no for tida. Eg er så gamal at eg hugsar kor klok den gamle kyrkjebøna var: «Fri oss frå pest og hunger. Gje oss godt og tenleg vêr. Fri oss frå ein vond og brå død. Vêr hos dei som strir med døden. Men så fann dei på at me behøvde ikkje be om det, for penicillinet var kome, og den drepte alle bakteriar. Ja, straks etter dei forandra på...

Debatt: Tilsvar til rådmann Steinar Dalland

Torsdag 19. mars publiserte bladet Tysnes et intervju med undertegnede i forbindelse med en journalistisk oppfølgning av samme bladets reportasje torsdag 12. mars hvor man kunne lese at: «Frustrerte politikarar sa samrøystes ja til nytt bustadshus...