FØRST IMÅL: Raskaste i open klasse vart Henrik Sylvester -Jensen med bilen "Henrik Rover".
FØRST IMÅL: Raskaste i open klasse vart Henrik Sylvester -Jensen med bilen "Henrik Rover".

Full rulle på kassabilløp

Ni deltakarar kniva om dei gjeve titlane i årets Tysnesfest GrandPrix.
Publisert 14.07.2017 kl. 19.51.

Den som kunne smykka seg med tittelen som raskaste kassabilførar var Henrik Sylvester -Jensen med bilen «Henrik Rover».

– Bilen har fått namnet fordi den liknar ein range rover, og fordi eg heiter Henrik, fotalte han etter løpet.

Det var fyrste gongen han deltok i kassabilløp.

– Det var svært kjekt å køyra, smilte han.


Tilskodarfest

Tradisjonen tru vart det også i år arrangert kassabilløp under Tysnesfest. Mange hadde samla seg for å sjå løpet.

I år var det ni deltakarar som sette seg i bilane for å kjempa om prisane for finaste og raskaste bil, samt sjarmørprisen. Løpet var delt inn i to klassar, Tysnesfest open og Tysnesfest meisterskapsklassen.


Premiedryss

I fyrstnemde var det sju påmelde bilar, medan det i meisterskapsklassen var to deltakarar som tevla om å verta nominert til norgesmeisterskap i kassabilløp. Og den som trekte det lengste strået i meisterskapsklassen var Celina Sjøvangen Arnevik med bilen «Rat Rod».

I open klasse vann Cindy Sjøvangen Arnevik og bilen «Dart Rod» prisen for finaste bil, medan Johannes Hjertnes vann sjarmørprisen med sin bil, «Tysnesekspressen».


FLOTT BIL: Prisen "finaste bil" fekk Cindy Sjøvangen Arnevik med bilen "Dart Rod".
FLOTT BIL: Prisen "finaste bil" fekk Cindy Sjøvangen Arnevik med bilen "Dart Rod".
SJARMERTE: Sjarmørprisen gjekk i år til Johannes Hjertnes i bilen "Tysnesekspressen".
SJARMERTE: Sjarmørprisen gjekk i år til Johannes Hjertnes i bilen "Tysnesekspressen".
KVALIFISERT TIL NORGESMEISTERSKAP: Celina Sjøvangen Arnevik vann meisterskapsklassen med bilen "Rat Rod", og er dermed kvalifisert til NM i kassabilløp.
KVALIFISERT TIL NORGESMEISTERSKAP: Celina Sjøvangen Arnevik vann meisterskapsklassen med bilen "Rat Rod", og er dermed kvalifisert til NM i kassabilløp.

Siste saker Gå til framsida

Tre gravferdsdagar i Tysnes

I ei rekkje år har det vore ei fast ordning i Tysnes med tysdagar og fredagar som faste gravferdsdagar.No er dette endra til tysdag, torsdag og fredag.– Bakgrunnen er at me ikkje ynskjer to gravferder på fredagar. Med to vanlege gravferder må dei som er gravarar stå overtid, og det ynskjer me ikkje fredag ettermiddag, informerte kyrkjeverje Marianne Storetvedt på møtet i...