FORSVINNINGAR: Sjølv om torsdag kveld og natt til fredag var rolegare enn tidlegare år, var det framleis nok å ta tak i for politi og helsepersonell. (Illustrasjonsfoto: Ingunn Gjærde)
FORSVINNINGAR: Sjølv om torsdag kveld og natt til fredag var rolegare enn tidlegare år, var det framleis nok å ta tak i for politi og helsepersonell. (Illustrasjonsfoto: Ingunn Gjærde)

Mann (37) stakk av frå ambulansen

To leiteaksjonar, ein mann i arresten og eit beinbrot i fjellsida. Det er nokre av hendingane på Tysnes torsdag ettermiddag og kveld.
Publisert 14.07.2017 kl. 12.14. Oppdatert kl. 12.20.

– Det var forholdsvis roleg på konserten i går kveld. Nokre småting var det, men det blei litt meir uroleg i Våge i ettertid, oppsummerer Lorentz Lunde, lensmann i Fusa og Tysnes lensmannsdistrikt.

Ti over halv tre natt til fredag forsvann ein mann frå ambulansen som skulle frakta han til Stord sjukehus.


Rømte frå ambulansen

– Mannen var rusa, og stakk av frå ambulansen på veg til Hodnanes, fortel Lunde.

Det blei sett i gong ein heil leiteaksjon, med mannskap frå både raudekors, politi og Kystvakta.

Ifølgje BT hadde mannen vore i eit basketak på Tysnesfest, og hadde fått hjerneristing. Han har truleg vore i sjokk då han stakk av.

– Me fann han igjen i vegen på Flatråker, kvart over fire, seier Lunde til «Tysnes».

37-åringen var bevisst, og vart då køyrd til sjukehuset for ein sjekk.

Den andre leiteaksjonen for natta var etter ei jente i hamneområdet i Våge, kvart over fem.

Den 16 år gamle jenta hadde kome bort frå venninnene i hamna.

– Ho vart funnen i eit naust etter ein halvtime, seier Lunde.


Krakilsk mann

I seks-tida fredag morgon, måtte ein 43 år gamal mann transporterast til Bergen for arrestasjon.

– Han var krakilsk og vanskeleg, og vart pågripen i Våge sentrum, seier Lunde.

Lensmannen synest at det var rolegare i hamna torsdag kveld, enn det har vore tidlegare år.

Nokre trafikale utfordringar har det også vore rundt om på Tysnes.

Lensmannen har fått inn fleire meldingar om bilistar, som køyrer fort på smale tysnesvegar.

– Mange er ute og beveger seg på vegane desse dagane. Folk må bruka vett, oppfordrar lensmannen.


Henta i luftambulanse

Ein person som hadde vore på såtekonserten med Sivert Høyem var uheldig på heimvegen.

I det bratte og ulendte terrenget nedover mot Myrdal gjekk det gale. Det skal dreia seg om ein brotskade.

Luftambulansen kunne ikkje landa i det den bratte fjellsida, og ein redningsmann måtte firast ned til den skadde.


Siste saker Gå til framsida

– Me leitar etter det skjulte potensialet i elevane

– We are the world, we are the children!Ungdommane syng av full hals frå scenen i musikkavdelinga ved Tysnes skule. Med blikket mot dei og ein gitar på kneet, står lærar Arne Kleppe og syng med. Tre veker er att til det tradisjonsrike juleshowet i Vonheim, og ideane som har mognast i haust byrjar å bli testa ut. – Me har ein del program og mange idear, men me er ikkje heilt...

No lyser dei opp i mørket

– Viss eg ikkje har refleks kan bilane køyra på meg, forklarar Askild (5) frå Stjerneresio barnehage til «Tysnes».