FOLKEHAV: Med langt over 7000 selde billettar vert det eit folkehav på Gjerstad i kveld.
FOLKEHAV: Med langt over 7000 selde billettar vert det eit folkehav på Gjerstad i kveld.

Avsluttar med folkehav på Gjerstad

Folk strøymer til Gjerstad for å få med seg dei siste artistane under årets festival.
Publisert 15.07.2017 kl. 22.07.

Etter no å ha solgt dei opphavelege 7200 billettane, har Tysnesfest opna opp for ytterlege 300 billettar. Med andre ord ligg alt til rette for eit folkehav på Gjerstad arena i kveld. Allereie då band nummer to for kvelden, Vazelina Bilopphøggers, entra scena i sju-tida, byrja feststemde festivaldeltakarar å strøyma til konsertområdet.


Frå Ølve for å sjå Alan Walker

Tuva Berge og Ina Lie Traavik er blant mange som kom tidleg på arenaen for å få med seg konsertane. Men det er dei siste artistane som freistar mest.

– Me gler oss særleg til å høyra Alan Walker.

Jentene har reist frå Ølve, og sit klare for ein flott kveld.

– Walker spelar god musikk, nikkar dei einig.


Himmelen opna seg

Samstundes som Amy MacDonald byrja sin konsert i åttetida, opna himmelen seg, og det spådde regnet melde sin ankomst.

– Eg er vand med slikt vêr der eg kjem frå og, smila artisten frå scena, og la til at ho er frå Skotland.

Mange av publikumarane synte at dei var førebudd på vestlandsvêret, og kledde på seg regnponchoar, for å halda seg tørre gjennom kvelden. I løpet av dei neste timane skal Janove, Kjartan Lauritzen, Cezinando og til slutt Alan Walker underhalda dei mange tusen publikumerane på Gjerstad.




GLER SEG TIL Å HØYRA ALAN WALKER: Tuva Berge og Ina Lie Traavik sat og venta spent på at Alan Walker skulle koma på scena.
GLER SEG TIL Å HØYRA ALAN WALKER: Tuva Berge og Ina Lie Traavik sat og venta spent på at Alan Walker skulle koma på scena.
HENTA FRAM REGNPONCHOANE: Himmelen opna seg laurdag kveld, og førebudde festivaldeltakarar svara med å finna fram regnponchoen.
HENTA FRAM REGNPONCHOANE: Himmelen opna seg laurdag kveld, og førebudde festivaldeltakarar svara med å finna fram regnponchoen.
LAGA SHOW: Vazelina Bilopphøggers laga show på Gjerstad arena.
LAGA SHOW: Vazelina Bilopphøggers laga show på Gjerstad arena.
DYKTIG ARTIST: Amy McDonald imponerte med sangstemma si.
DYKTIG ARTIST: Amy McDonald imponerte med sangstemma si.
LAGA LIV MED SHANTIMUSIKK: Storm Weather Shanty Choir.
LAGA LIV MED SHANTIMUSIKK: Storm Weather Shanty Choir.

Siste saker Gå til framsida

Njardar G14 med solid siger

Bjarg 4 var gjester på Reiso torsdag kveld, men dei hadde ingenting å stilla opp med mot eit godt Njardar/Tysnes lag.

Ny runde om ruspolitikk

– Det som er gjort er ikkje nok, her florerer det med ting som skal utførast i 2012, 2013 og 2014. Saka er ikkje godt nok utgreidd, og må sendast tilbake til administrasjonen.