GODT MOTTEKNE: Pernille Amalie Lande (f.v), Malin Omvik og June Aarseth Guddal føler seg godt mottekne på campen.
GODT MOTTEKNE: Pernille Amalie Lande (f.v), Malin Omvik og June Aarseth Guddal føler seg godt mottekne på campen.

God stemning på Tysnes camp

– Det er kjekt at det er så mykje ungdom og liv her, sier Malin Omvik, som heldt til på campinga i Uggdal saman med veninnene Pernille Amalie Lande og June Aarseth Guddal.
Publisert 15.07.2017 kl. 14.00. Oppdatert kl. 21.07.

Jentene er frå Kvinnherad og vitjar Tysnes for aller fyrste gong. Så langt tykkjer dei det har vore veldig kjekt å vera her.

– Me har snakka om å ta turen til Tysnesfest i fleire år, men det har alltid kome noko i vegen, fortel Lande.

No fekk dei endeleg høve til å reisa.

Jentene føler dei har vorte godt mottekne.

– Dei som arbeider her verkar veldig kjekke. Dei hjelper til med alt mogleg, om det skulle vera noko. Me føler oss godt tatt vare på her, tykkjer Omvik.


Godt førebudd

Før jentene reiste til Tysnes, passa dei på å pakka med seg alt som dei kunne få bruk for. I bagasjen har dei alt frå dopapir til støvlar, noko som har kome godt med.

– Det har vore kaldt og gjørmete å liggja her ute. Samstundes er det ein idyll over det, meiner Aarseth Guddal.

Dei trur ikkje dei hadde fått den same opplevinga, om dei ikkje hadde sove på campinga.

Då jentene blir spurt om dei har nokre tips til andre som skal ut å campa, er svaret klart.

– Hugs stølvar og ta med noko anna enn eit lite tomannstelt. Ein bør og vera førebudd på at det ikkje er noko luksusferie, ler dei.


Tysnesfest som tradisjon

Ein annan som har tatt turen til festivalcampen, er Robert Markhus. Han har reist frå Fusa samen med ein stor venegjeng.

Då han var 16 år, blei han for fyrste gong invitert med på Tysnesfest av nokre kompisar.

– Sidan då har eg vore med kvart år, fortel han.

Markhus tykkjer det er fint å vera her ute og at det kjekkaste er stemninga og det å vera saman med gode vener.


Ein enorm stor utvikling

Bård Sværi har i år vore ansvarleg for Tysnes camp i ti år.

– I løpet av denne tida har det vore ei enorm stor utvikling. Me starta med to personar som arbeida her. No arbeider det om lag 50-60 frivillige på campen, fortel han.

I tida Sværi han arbeida på campen, er det serleg ei hending han hugsar godt.

– I fjor hadde me eit frieri på campen. Paret hadde møttest på campen tidlegare, då mannen arbeida som frivillig og dama budde på campingen. No arbeider dei her begge to, seier han.


Tek vare på gjestene

For Sværi er det viktig å ta godt vare på gjestene. Difor er det mange frivillige i arbeid, som vandrar rundt på området og pratar med folk.

– Det er viktig å ha ein god dialog med dei besøkjande, så dei kan ta tak i situasjonar før dei eskalerer.

Han trur vêret har lite å seia for trivselen på området.

– Folk er på festival, så dei bryr seg ikkje. Mange kjem att år etter år, seier han.


EI ENORM UTVIKLING: Camp-ansvarleg Bård Sværi tykkjer det har vore ei enorm utvikling på campen dei ti siste åra.
EI ENORM UTVIKLING: Camp-ansvarleg Bård Sværi tykkjer det har vore ei enorm utvikling på campen dei ti siste åra.
TYSNESFEST SOM TRADISJON: Robert Markhus har vore på Tysnesfest kvart år sidan han var 16 år gammal.
TYSNESFEST SOM TRADISJON: Robert Markhus har vore på Tysnesfest kvart år sidan han var 16 år gammal.
MYKJE FOLK: Torsdag føremiddag var det kome mykje telt og campingvognar på plass på Tysnes camp.
MYKJE FOLK: Torsdag føremiddag var det kome mykje telt og campingvognar på plass på Tysnes camp.
GOD STEMNING: Robert Markus tykkjer det er kjekt å vera på campen saman med gode vener.
GOD STEMNING: Robert Markus tykkjer det er kjekt å vera på campen saman med gode vener.

Siste saker Gå til framsida

Dedikerte friviljuge

Jemilla Irressa har berre budd på Tysnes i fem månadar. Likevel stiller ho gledeleg opp som Tysnesfest-friviljug.

Bloggbonanza i Bermudateltet

Laurdag under Tysnesfest fekk ihuga fans møta, og ta bilete saman med dei kjende internettprofilane Sophie Elise Steen Isachsen og Vegard Harm.