Sekundstrid under Ta sjansen

Berre eit halvt sekund skilte vinnarbåten Vossalynet frå Joker Uggdal på andreplass.
Publisert 16.07.2017 kl. 22.07. Oppdatert 17.07.2017 kl. 14.08.

Sjølv om Sondre Eikeland for som ein rakett ut av den store handlevogna til Joker Uggdal, var det ikkje raskt nok til å slå tida til favorittane frå Voss.

– No kan eg med stoltheit finna fram gullskoa i kveld, sa Erik Torsvik etter å ha kapra førsteplassen med minimal margin.

Ta sjansen har blitt ein tradisjon under Tysnesfest.

Laurdag ettermiddag var dagen tøffe menn og kvinner kunne setja utfor tårnet i Våge.

Med elleville farkostar var det om å gjera og skli ned rampa frå tårnet, så langt fram som mogleg. Målet var å slå på bøyen med bjella, som låg og dyppa ute i hamna i Våge.


Voss-dominans

Erik Torsvik var om bord på vinnarbåten, og var storfornøgd med sigeren. For tredje gong stakk båten Vossalynet av med førsteplassen.

– Me har leigd inn ny førar, kunne han fortelja før start.

Kristian Doherty gjorde verkeleg ein flott jobb, og sikra den tredje sigeren på rad for Vossalynet.

– Eg har blitt kasta av, sa Sondre Eikeland, som var førar på Vossalynet dei to førre åra.

Som protest stilte han saman med den nye makkeren, Randi Geitle Nesthus, for konkurrenten Joker Uggdal.

– Eg har eitt mål, og det er å slå Vossalynet, sa Eikeland før start.

Det var tett kamp under konkurransen, men med tida 05:06, kom Vossalynet eit halvt sekund framfor kjempehandlevogna frå jokerbutikken.


Sporty kaptein

Fiaskoprisen under Ta sjansen gjekk i år til Mikro Gann.

Med Kaptein Sabeltann-musikk på full guffe over høtalaranlegget, gjorde laget frå skuleskipet Gann definitivt den beste entréen.

Peter Midling helte ei heil flaske med matolje ned over startrampa for å få betre glid. Men det skulle hjelpa lite.

Med seg hadde han ingen ringare enn kaptein på skipet MS Gann, Bernt Jarl Berge.

Dei to stupte i sjøen då farkosten med ein fluktstol, traff vatnet.

Symjeferdigheitane var det i alle fall ingenting å seia på, sjølv om tida ikkje var i toppskiktet.


Heia på Uggdal

Publikum hadde møtt opp i hopetal i Våge hamn. Latteren sat laust då dei ulike farkostane sette utfor den store rampa.

– Me heiar på Joker Uggdal, sa Silje Marie Hovdenes (13) og Lisa Mørk (15).

Dei to kusinene syntest at Tysnesfest var veldig kjekt.

– Det er kjempegøy, sa Hovdenes.

– Og så er det mykje god mat her, følgde Mørk opp med.

Heile åtte farkostar hadde meldt seg på Ta sjansen dette året, og både vossingar og tysnesingar stilte til start.


Ikkje nok med «Ronny Ponny»

Ingen skal seia noko på innsatsen, eller utkledninga, men Martin Restad nådde ikkje heilt opp i den tøffe konkurransen.

Tysnesingen har lagt ned sine timar med dugnadsarbeid under Tysnesfest, og har ofte vore å sjå i kulissane. Men denne gongen var det Restad som stod i fokus.

Med raud- og kvit-stripete drakt, svart hjelm, og ein rosa heliumballong sette han utfor.

Før start hadde festivalsjefen sjølv, Sigvard Madsen, annonsert at han skulle vera med. Men då startskotet gjekk, stod Madsen igjen oppe i tårnet.

– Sigvard Madsen du er ei pyse, konkluderte speaker Tommy Hansen.

Den rosa heliumsballongen, døypt «Ronny Ponny» fungerte dårleg som redningsballong.

Farkosten var heller ikkje av ypparste slaget, og Restad klokka inn på 17 sekund.

Men stor jubel hausta tysnesingen, då han stolt heva «Ronny Ponny» over hovudet etter å ha plinga på bjølla.







VOSSALYNET: Uslåelege Vossalynet vann tredje året på rad. Denne gongen med Kristian Doherty som førar. (Foto: Lena Helvik)
VOSSALYNET: Uslåelege Vossalynet vann tredje året på rad. Denne gongen med Kristian Doherty som førar. (Foto: Lena Helvik)
VINNAR: Erik Torsvik og Kristian Doherty jublar etter sigeren i Ta sjansen. (Foto: Ingunn Gjærde)
VINNAR: Erik Torsvik og Kristian Doherty jublar etter sigeren i Ta sjansen. (Foto: Ingunn Gjærde)
TRAMPEKLAPP FOR KAPTEINEN: Skuleskipet Gann fungerte som overnattingsstad under Tysnesfest. Kapteinen sjølv, Bernt Jarl Berge, stilte opp i Ta sjansen saman med Peter Midling som mannskap. (Foto: Ingunn Gjærde)
TRAMPEKLAPP FOR KAPTEINEN: Skuleskipet Gann fungerte som overnattingsstad under Tysnesfest. Kapteinen sjølv, Bernt Jarl Berge, stilte opp i Ta sjansen saman med Peter Midling som mannskap. (Foto: Ingunn Gjærde)
FULL KONSENTRASJON: Sondre Eikeland klar til start. (Foto: Ingunn Gjærde)
FULL KONSENTRASJON: Sondre Eikeland klar til start. (Foto: Ingunn Gjærde)
JOKER UGGDAL: Med ei svær handlevogn, kom Sondre Eikeland og Randi Geitle Nesthus (skjult) på andreplass, rett bak vinnaren. (Foto: Ingunn Gjærde)
JOKER UGGDAL: Med ei svær handlevogn, kom Sondre Eikeland og Randi Geitle Nesthus (skjult) på andreplass, rett bak vinnaren. (Foto: Ingunn Gjærde)
KOSTE SEG: Lisa Mørk frå Enebakk i Oslo, men med tysnesfamilie, og Silje Marie Hovdenes frå Bergen, syntest det var kjempegøy å få med seg Ta sjansen i Våge. (Foto: Ingunn Gjærde)
KOSTE SEG: Lisa Mørk frå Enebakk i Oslo, men med tysnesfamilie, og Silje Marie Hovdenes frå Bergen, syntest det var kjempegøy å få med seg Ta sjansen i Våge. (Foto: Ingunn Gjærde)
REDNINGSBALLONG: Martin Restad sym til land, med "Ronny Ponny" på slep. (Foto: Lena Helvik)
REDNINGSBALLONG: Martin Restad sym til land, med "Ronny Ponny" på slep. (Foto: Lena Helvik)
BRÅSTOPP: Knut Jørgen Nesland fekk seg ein luftetur då Lerøy-båten traff vatnet. (Foto: Ingunn Gjærde)
BRÅSTOPP: Knut Jørgen Nesland fekk seg ein luftetur då Lerøy-båten traff vatnet. (Foto: Ingunn Gjærde)
GAV ALT: Stian Skarvatun deltok for Palfinger, i båten FF 1.2. (Foto: Lena Helvik)
GAV ALT: Stian Skarvatun deltok for Palfinger, i båten FF 1.2. (Foto: Lena Helvik)
STOR INTERESSE: Publikum samla seg i Våge Hamn, for å få med seg Ta sjansen. (Foto: Ingunn Gjærde)
STOR INTERESSE: Publikum samla seg i Våge Hamn, for å få med seg Ta sjansen. (Foto: Ingunn Gjærde)
I STØTET: Yngve Vevatne heldt seg godt fast. (Foto: Lena Helvik)
I STØTET: Yngve Vevatne heldt seg godt fast. (Foto: Lena Helvik)

Siste saker Gå til framsida

Bloggbonanza i Bermudateltet

Laurdag under Tysnesfest fekk ihuga fans møta, og ta bilete saman med dei kjende internettprofilane Sophie Elise Steen Isachsen og Vegard Harm.

Byrja med eit brak

– Taket løfta seg, då Gunslingers heldt konsert, seier ein nøgd Roger Bøe, som var blant publikum i Bermudateltet laurdag ettermiddag.

Ein annleis jobb

– Det er både givande og lærerikt å arbeida her, fortel Benedicte Midthaug Torsvik, som driv handelstaden på Årbakka i sommar.