STENGDE KONSERTOMRÅDET: Konserten med Alan Walker vart avlyst på grunn av uvêret, og folk vart bedne om å forlata området.
STENGDE KONSERTOMRÅDET: Konserten med Alan Walker vart avlyst på grunn av uvêret, og folk vart bedne om å forlata området.

ALAN WALKER-KONSERTEN AVLYST

Uvêr sette ein stoppar for kveldens trekkplaster, og publikum vart beden om å forlata området.
Publisert 16.07.2017 kl. 06.00.

– Av hensyn til tryggleiken ser me oss nøydde til å stengja konsertområdet, opplyste sikkerheitssjef Bjarte Erstad frå scenen på Gjerstad vel ein halvtime før midnatt.

Det kom eit høgt klagebrøl frå publikum.

– Me ber alle om å roleg forlata konsertområdet, måtte Erstad gjenta fleire gonger, samstundes som han beklaga situasjonen.

Kraftig vind og regn gjorde det for farleg å halda fram konsertkvelden som planlagt.

Alan Walker skulle gått på scenen klokka 00.30. Cezinando var siste mann ut på scenen, før det heile vart avlyst.

Stemninga var mildt sagt sur då publikum måtte venda heimover i uvêret utan å ha fått så mykje som eit glimt av Alan Walker, men etter ei stund var konsertområdet heilt tømt.

Etter det «Tysnes» kjenner til, skal ikkje uvêret ha fått nemndeverdige konsekvensar for båthamna i Våge.


Får husly i Grendatun

På festivalcampen i Uggdal kan Bård Sværi opplysa at situasjonen ikkje er så gale som dei fyrst frykta.

– Men det har nok roke med 20-30 telt, fortel han litt over klokka 02.00.

Og for dei som framleis har teltet sitt ståande, er det likevel ikkje sikkert det freistar så veldig å tilbringa natta der.

– Eit telt er jo berre eit telt. Det blir frykteleg vått.

Men heldigvis er det husly å få i Grendatun (campkontoret).

– Me har opna opp kinosalen, og dei som manglar overnattingsplass får vera her i bygget i natt, opplyser ein relativt roleg Sværi.

– Me rår ikkje over vêret, slik er det berre.

«Tysnes» kjem tilbake med meir i morgon.


Siste saker Gå til framsida

– Kjenner at ein lever!

Lyden er ikkje til å ta feil av. Små, rytmiske bølgeskvulp. Tre kajakkar glir gjennom vassoverflata. «Tysnes» utforskar området utanfor Lunde i kajakk, saman med lokalkjende Monica og Gudrun. Den eine vesle perla etter den andre, blir avdekka. – Det er spanande å gå inn i slike smau, seier Gudrun og skyt fart innover Koløysundet.

Nok ei ny imponerande festivalhelg

Til å bli imponert av, skreiv «Tysnes» på leiarplass 14. juli i fjor.Me blir ikkje mindre imponerte i år.Tysnesfest 2017 vil gå inn i historiebøkene med nok ein ny publikumsrekord. Meir enn 32.000 besøkjande innom dei mange festivalarrangementa er berre imponerande. Det er rett og slett ufatteleg at det går an på Tysnes.For å ta opp att ein setning frå i fjor: For berre få...

Stoppestad OnarHamn på veg sørover

– Me hadde høyrt så mykje positivt om den nye hamna på Onarheim. Me måtte berre sjå korleis det såg ut, seier Oddny og Birger Heggeland frå Os, og Hege Morken og Rune Ulvatn frå Manger.