KONTROLL: Sveinung Bauge i Statens vegvesen kontrollerer ein bil på Reiso onsdag føremiddag. NB: Bilen på biletet fekk køyra vidare - med skilta - etter kontrollen.
KONTROLL: Sveinung Bauge i Statens vegvesen kontrollerer ein bil på Reiso onsdag føremiddag. NB: Bilen på biletet fekk køyra vidare - med skilta - etter kontrollen.

Éin bil avskilta etter kontroll

Statens vegvesen har i dag hatt kontroll på Tysnes. Éin bil vart avskilta.
Publisert 09.08.2017 kl. 11.58. Oppdatert kl. 15.38.

Onsdag hadde Statens vegvesen kontroll på Tysnes. Dei sjekka bilar med eit kamerasystem som les skiltnummeret på bilen, og som deretter viser om bilen har nokre manglar eller liknande.

– Det sparar oss ein del tid, for då tek me berre inn dei bilane me treng, seier inspektør i Statens vegvesen, Sveining Bauge. I tillegg kontrollerte dei at dokument og anna var på stell.

Like før klokka elleve var det berre éi hending å rapportera om, og det var ein bil som vart avskilta på grunn av manglande EU-kontroll.

Vegvesenet stilte seg opp i busslomma ved skulen på Reiso om lag klokka halv ti i dag, og kjem til å vera på Tysnes ut arbeidsdagen.

– Me kjem kanskje til å flytta litt på oss, men me har ikkje avgjort kvar til, seier Bauge.

Etter at kontrollen vart avslutta klokka to, kunne Bauge melda om få reaksjonar.

– Det var eit par som mangla vognkort, og ei avskilting, fortel han.

Totalt vart det registrert eitt køyretøy som var kravd avskilta, denne bilen vart fanga opp på Reiso. I Våge var det to bilistar som fekk gebyr for ikkje å ha med seg vognkort, og to fekk kontrollseddel for defekte ljos.


Siste saker Gå til framsida

Bakar for TV-aksjonen

Tysnes skule engasjerer seg i TV-aksjonen 2017, og fredag diskar dei opp med søte bakverk i gymsalen.

Leiar: Gratulerer Tysnesfest

Tysnesfest kan gå mot millionoverskot i 2017. Det er ei gledeleg melding frå festivalstyret.Me forstår godt at festivalleiar Sigvard Madsen og resten av Tysnesfestgjengen hadde ei vanskeleg tid etter det lite hyggjelege økonomiske resultatet etter festivalen i fjor. Å koma ut med eit underskot på ein festival som samla kring 27.000 betalande innom dei mange ulike arrangmenta, som ein...

Tysnesfest får millionoverskot

Det endelege resultatet vil ikkje vera klart før ved årsslutt. Det aller meste har Tysnesfest-administrasjonen oversikt over, men søknaden om momskompensasjon ventar dei svar på i desember. Det festivalleiar Sigvard Madsen er mest glad for, er at ein i alle fall har dekka inn underskotet frå i fjor på ein million kroner. Eit overskot i år styrkjer eigenkapitalen til stiftinga...