Vann spelejobb på 100 dagar

Bandet Symra, med tysnesing Øyvind Kleppe i spissen, markerer seg i musikkmiljøet.
Publisert 10.08.2017 kl. 19.00.

– Det var veldig kjekt å spela på Lambasleppet. Å få opptre på slike arrangement er ein stor moglegheit til å visa fram bandet vårt, seier Kleppe.

Lambasleppet i Uskedalen var staden å vera førre veke, om du er interessert i å høyra kva som rører seg blant dei beste unge talenta i regionen.

Festidalen hadde samla sju flotte band og artistar under Lambasleppet. Kvart av banda fekk 20 minutt på å visa seg fram, og til dei tre beste vanka det premie.

Ei gruppe fekk stipend på 50.000, ei anna vann tre dagar i studio, medan Symra, med medlem frå Tysnes, Stord og Bømlo, vann spelejobb på 100 dagar på Stord, i 2018.

– Det er flott at unge kan få slike moglegheiter, seier Kleppe, som opptredde framfor 200 forventingsfulle publikumarar.

Vokalisten er svært nøgd med at bandet stakk av med den eine premien.


Inspirerte av Ivar Aasen

Bandet har berre spelt saman sidan hausten 2016, men har allereie fått til eit fint samspel seg i mellom.

Øyvind Kleppe (17) frå Tysnes er på vokal, Henrik Sebastian Epland (17) frå Tysnes spelar trommer, Morten Stokke (19) og Henrik Vatle (19) spelar gitar, medan Ole Martin Hauan er bassist.

Lambasleppet omtalar musikken til Symra som ein stad innanfor eit alternativt pop-rock-landskap. – Korleis kom de på namnet Symra?

– Det begynte berre som ein spøk, men så syntest me at Symra var eit fett namn, fortel Kleppe.

– Nokon hadde om Ivar Aasen si første diktsamling i norsken. Den heitte Symra, og då berre blei det slik, forklarer den unge musikaren.

Symra lagar låtane sjølv, og dei har ein draum om å koma i studio når dei har nok pengar.


Held saman

– Musikken er det einaste eg har interesse for. Eg kjem sikkert til å halda på med det ei god stund, seier Kleppe.

Tysnesingen bur på hybel på Stord, og skal starta i tredjeklasse på musikklinja i haust.

Det er musikken som gjeld, for dei unge mennene i Symra, sjølv om dei no er spreidd over heile Norge.

– Me satsar på å halda saman, sjølv om avstanden er stor, seier Kleppe.

Heile bandet har tilknyting til Stord vidaregåande skule. Tre av musikarane i bandet var russ i vår.

Henrik Vatle er for tida i militæret, men hadde teke turen heim for å spela på Lambasleppet.

Bassist Hauan skal på folkehøgskule i Hamar, men når heile bandet vert samla til øving på Stord, set dei av god tid til å utfalda seg med musikken.

– Til no har me skrive fem låtar, men fleire skal det bli, lovar Kleppe.


LAMBASLEPPET: Det er full guffe når Symra opptrer. Frå venstre: Morten Stokke, Ole Martin Hauan, Øyvind Kleppe, Henrik Vatle og Henrik Sebastian Epland. (Foto/Video: Privat)
LAMBASLEPPET: Det er full guffe når Symra opptrer. Frå venstre: Morten Stokke, Ole Martin Hauan, Øyvind Kleppe, Henrik Vatle og Henrik Sebastian Epland. (Foto/Video: Privat)

Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...