NYTT MED BASAR: Lina Kripaitis-Nordbustad er på basaren saman med borna Selmer (f.v), Sofie og Isabell.
NYTT MED BASAR: Lina Kripaitis-Nordbustad er på basaren saman med borna Selmer (f.v), Sofie og Isabell.

På basar for første gong

– Eg håper eg vinn den rosa kofferten, seier Isabell Kripaitis-Nordbustad.
Publisert 11.08.2017 kl. 12.00.

Laurdag arrangerte Flatråker bygdalag basar i Grendahuset på Flatråker. Lina Kripaitis-Nordbustad har teke turen, saman med borna sine; Isabell, Selmer og Sofie.

– Me har aldri vore på basar før, så då måtte me ta turen, fortel Lina.

Selmer og Isabell er med på å dela ut premiane, som vert gitt til heldige vinnarar.

– Det er kjekt å dela ut premiar, tykkjer Selmer.

Isabell fortel at dei så langt har vunne ein vinopnar og nokre oppbevaringsboksar.

– Eg håper me vinn bøtta med fiskar på, og kofferten som står på premiebordet, seier ho.

Selmer har sett seg ut ei fiskestong, og eit telt som han håper på å vinna.

– Det har vore kjekt å vera her. Me kjem neste gong og, seier Lina.


Vunne mykje

Amalie Skorpen er og på basaren, saman med mora, brødrene, besteforeldra og andre kjende.

– Eg pleier å vera her kvart år, fortel ho.

I forkant av basaren, har ho vore rundt og seld lodd til støtte for grendalaget.

Skorpen tykkjer det kjekkaste med basarar er å vinna, uansett kva ein vinn.

– Denne gongen har eg vunne seks eller sju ting. Eg er ikkje heilt sikker, for eg har gitt vekk nokre av premiane, ler ho.


Nøgd med basaren

Olav Kaastad er leiar i Flatråker bygdalag, og er nøgd med at folk støttar opp om laget.

Han viser til dei flotte premiane dei har fått i gåve frå støttespelarar.

– Basarane me held, er ei av dei gode inntektskjeldene me har, fortel han.

I Bygdastovo har det vore basar sidan laget vart stifta i 1995.

Det er ein del aktivitet her. I tillegg til den årlege basaren, har me bingo tre gonger i året. Me har og hatt julebord, sommarpub og 17. mai-feiring, seier han.

Han er nøgd med dagen, og gler seg til neste gong.


STORVINNAR: Amalie Skorpen har vunne mykje på basaren.
STORVINNAR: Amalie Skorpen har vunne mykje på basaren.
STØTTAR GRENDALAGET: Amalie Skorpen sel lodd for grendalaget, der morfar Olav Kaasted er leiar.
STØTTAR GRENDALAGET: Amalie Skorpen sel lodd for grendalaget, der morfar Olav Kaasted er leiar.
MYKJE FOLK: Mange hadde teke turen til basaren på Flatråker laurdag ettermiddag.
MYKJE FOLK: Mange hadde teke turen til basaren på Flatråker laurdag ettermiddag.

Siste saker Gå til framsida

Bakar for TV-aksjonen

Tysnes skule engasjerer seg i TV-aksjonen 2017, og fredag diskar dei opp med søte bakverk i gymsalen.

– Dette er ikkje gøy

Tor Magnus Hauge er dagleg leiar i Tysnes Maskin. Kvar dag køyrer han gjennom Kløvbrekko med store køyretøy.