TILHENGAR: Både bilen, og tilhengaren den drog, er totalskada.
TILHENGAR: Både bilen, og tilhengaren den drog, er totalskada.

Kvinne fastklemt etter bilulukke på Skorpo

Kvinneleg førar og fem år gamal gut frakta til sjukehus med luftambulanse.
Publisert 12.08.2017 kl. 21.11. Oppdatert kl. 21.17.

Laurdag kveld klokka 18.35 melde 110-sentralen om ei trafikkulukke på Skorpo, sør på Tysnes. Ein forbipasserande observerte at ein bil hadde køyrd utfor vegen, og fekk meld frå til naudetatane klokka 18.23.

Det var to personar i bilen, og ingen andre bilar var involverte i ulukka.

Ein fem år gamal gut, som skal vera sonen til kvinna, skal ha kome seg ut av bilen på eiga hand, melder BA. Den kvinnelege føraren var fastklemt, og måtte bli frigjort av brannvesenet. Ifølgje BT skal ingen av dei vera alvorleg skadd. Guten vart tilsett av helsepersonell på staden, og har truleg blitt frakta til sjukehuset saman med mora.

Brannsjef Torfinn Kongsvik seier at det kan sjå ut som bilen kom i retning sørover, før den hamna utfor vegen, køyrde gjennom autovernet og enda opp ståande ved sida av vegen i motsett retning. Han opplyser at kvinna var med medvit då dei fekk ho laus.

Då «Tysnes» kom til staden, vart bilføraren frakta på båre i ambulanse mot den ventande luftambulansen.

Politiet var ikkje komen fram til staden då den skadde bilføraren vart frakta bort. Det er politiet i Fusa som har vakt.





OPPRYDNING: Brannvesenet vart igjen etterpå for å byrja opprydninga.
OPPRYDNING: Brannvesenet vart igjen etterpå for å byrja opprydninga.
LUFTAMBULANSE: Dei to som var i bilen vart frakta til sjukehus med luftambulanse.
LUFTAMBULANSE: Dei to som var i bilen vart frakta til sjukehus med luftambulanse.
UTFOR VEGEN: Bilen ser ut til å ha kome i retning sørover, og hamna utfor vegen på motsett side.
UTFOR VEGEN: Bilen ser ut til å ha kome i retning sørover, og hamna utfor vegen på motsett side.
NAUDETATAR: Brannvesen og ambulanse kom fyrst til staden.
NAUDETATAR: Brannvesen og ambulanse kom fyrst til staden.

Siste saker Gå til framsida

Bakar for TV-aksjonen

Tysnes skule engasjerer seg i TV-aksjonen 2017, og fredag diskar dei opp med søte bakverk i gymsalen.

Leiar: Gratulerer Tysnesfest

Tysnesfest kan gå mot millionoverskot i 2017. Det er ei gledeleg melding frå festivalstyret.Me forstår godt at festivalleiar Sigvard Madsen og resten av Tysnesfestgjengen hadde ei vanskeleg tid etter det lite hyggjelege økonomiske resultatet etter festivalen i fjor. Å koma ut med eit underskot på ein festival som samla kring 27.000 betalande innom dei mange ulike arrangmenta, som ein...

Tysnesfest får millionoverskot

Det endelege resultatet vil ikkje vera klart før ved årsslutt. Det aller meste har Tysnesfest-administrasjonen oversikt over, men søknaden om momskompensasjon ventar dei svar på i desember. Det festivalleiar Sigvard Madsen er mest glad for, er at ein i alle fall har dekka inn underskotet frå i fjor på ein million kroner. Eit overskot i år styrkjer eigenkapitalen til stiftinga...