FLOTT FJERDEPLASS: Pernilla Eugenia Epland med velfortent drikke etter det flotte milløpet i NM på Sandnes. (Foto: Raymond Ebbesvik)
FLOTT FJERDEPLASS: Pernilla Eugenia Epland med velfortent drikke etter det flotte milløpet i NM på Sandnes. (Foto: Raymond Ebbesvik)

Pernilla på 4.plass på 10.000 meteren i NM.....kjempeløp!

Fantastisk innsats av Pernilla Eugenia Epland (26) som debuterte på 10.000 meteren i NM med plassen bak bronse.
Publisert 27.08.2017 kl. 14.38. Oppdatert kl. 14.45.

Tysneskvinna har aldri tidlegare sprunge 10.000 meter på bane før ho i dag, sundag, vart nummer fire av dei 14 deltakarane. Fredag vart ho nummer åtte på 5.000 meteren, og ho avanserte altså kraftig i dag på den doble distansen. Me snakka med Pernilla Eugenia rett etter at ho hadde jogga ned etter milløpet.

– Ja, dette er eg veldig godt fornøgd med. Eg gjekk noko rolegare ut frå start i dag enn på 5.000 meteren, delvis fordi eg brende meg på å gå ut for hardt på 5.000, men også fordi eg kjende eg var litt stiv i leggene etter fredagen.


Tok igjen

– Men du må ha friskna til utover i løpet?

– Ja, det var sju kvinner som stakk ifrå tidleg, men eg klarte jo å ta inn igjen fleire av dei. Siste tusen metrane hadde eg mykje å gje. Eg er svært godt fornøgd med å bli nummer fire, men tida 35.40.78 er eg ikkje så fornøgd med. På 5.000 meter var eg fornøgd med tida og ikkje plasseringa, i dag var det omvendt.


For gammal?

– Du var vel eitt minutt bak gull og førti sekund bak bronsevinnaren. Dei er også yngre enn deg. Betyr dette at du heller ikkje klarer å ta dei neste år, trur du?

– Åh nei, det satsar eg på. Både ho som vart nummer ein og tre både på 5.000 og 10.000 sprang i fjor dårlegare på 5.000 meter enn eg gjorde i år, så det er tydeleg at det går an å forbetra seg mykje. Eg satsar forresten på å ta dei alt om tre veker på NM halvmaraton i Oslo.


Takkar

Pernilla Eugenia Epland har merka seg at det både på tysnesbladet.no og facebooksida til avisa er stor interesse for å følgja med på korleis det går med henne.

– Ja, det er veldig kjekt at folk er engasjerte og ser at det er gode prestasjonar eg har fått til i helga. Det er kjekt å bli heia på, seier tysneskvinna som alt no ser fram til revansje og NM-medaljar.

GEIR ROMMETVEIT


Siste saker Gå til framsida

Rykkjer opp!

Etter mykje om og men er A-laget endeleg klare for 6. divisjon.

Debatt: Kor mykje skal me finna oss i?

Eg var ikkje tilstades på «ferjemøtet» i Tysneshallen, men ut frå kommentarar på nett, og i «Tysnes», verkar det ikkje som noko «positivt» møte.At fylkesordføraren kallar hhv. ordførarane i Tysnes, Austevoll og Kvinnherad for «kanaljar frå kysten», seier vel ein del om haldninga fylkeskommunen/fylkesordføraren har til oss, og treng vel ikkje kommentarar ut over det. Kåre, Morten...