NÆRMAR SEG FERDIG: Slik såg det ut på tomta måndag ettermiddag. (Foto: Camilla Korsnes)
NÆRMAR SEG FERDIG: Slik såg det ut på tomta måndag ettermiddag. (Foto: Camilla Korsnes)

Dei første kan flytta inn 1. desember

Omsorgssenteret er i rute, og kommunen overtar bygget 20. oktober.
Publisert 12.09.2017 kl. 13.30. Oppdatert kl. 13.42.

– Prosjektet er litt bak framdriftsplanen, men ikkje verre enn at anlegget skal vera klar til overlevering 20. oktober. Då startar me møbleringa og flytting av utstyr, då skal anna på plass før me kan ta i bruk det nye omsorgssenteret. Det vert arbeidd for fullt å halda tidsfristen me har, og alt tyder på at ein kjem i mål til avtalt dato, sa prosjektleiar Haakon Haaland då han orienterte administrasjon og folkevalde i formannskapsmøtet tysdag.

– Betyr dette at anlegget er ferdig både innvending og utvending til 20. oktober, ville Magnar Solheim (Frp) vita.

– Den dagen overtar me det me har bestilt frå entreprenøren Skanska, så har me ein del arbeid me etter planen skal gjera sjølv, som dette med IKT-løysingar og møblering med meire. Me tar sikte på å få alt på plass slik at dei første bebuarane kan flytta inn 1. desember, sa Haaland.

– Kva tid blir den høgtidelege opninga av senteret, ville Anne Merete Fjeldstad (Ap) vita.

– Me planlegg offisiell opning litt før bebuarane kjem, slik at folk får sjansen til å koma og sjå det nye omsorgssenteret. Endeleg dato for dette er ikkje bestemt, men eg reknar med det blir midtvegs i november, fortalde ordførar Kåre Martin Kleppe.

Det nye omsorgssenteret får 30 sjukeheimsplassar og 10 omsorgsbustader fordelt på to etasjar, samt eit dagsenter plassert på eitt plan. Dei som vil følgja innspurten, kan gå inn på https://tysnesomsorgssenterblogg.skanska.no. Der ligg det både foto og omtale av prosjektet.


Siste saker Gå til framsida

Kors, vaflar og fotball-VM på Solstråleøya

– Det var ein nydeleg vêrdag, med fin temperatur. Me fekk flott skyss frå Våge i Mor Di, skøyta til Patrick Madsen.Dette seier Hans Ole Dalland, om friluftsgudstenesta på Solstråleøya søndag.Vidare kan han fortelja at nokre av deltakarane kom roande frå Lunde – og nokre kom verkeleg langvegsfrå:– Eit ektepar frå Minnesota var på Tysnesferie, og fekk oppleva den flotte...

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.