LIKAR LEIRSKULE: Victoria (12), Kira (12), Lasse (11), Theo (12) og Mathias (11) var nokre av elevane som var tur med skipet. (Alle foto: Camilla Korsnes)
LIKAR LEIRSKULE: Victoria (12), Kira (12), Lasse (11), Theo (12) og Mathias (11) var nokre av elevane som var tur med skipet. (Alle foto: Camilla Korsnes)

– Neste stopp er Uskedalen

Hardangerjakta «Mathilde» låg onsdag til kai ved Våge hamn. Om bord er elevar og lærarar frå Samnanger barneskule.
Publisert 13.09.2017 kl. 13.15.

– Me er på leirskule, fortel Victoria (12).

Dei 25 elevane og nokre lærarar har vore eit par dagar på tur med skuta, og skal vera på leirskule til fredag.

– Me køyrde fyrst med bil til Norheimsund og byrja turen derifrå. Me har sove ei natt i Rosendal og ei ved Solstråleøyo, forklarar Kira (12).

– Her i Våge skal me vera ei lita stund, før me drar vidare til Uskedalen, fortel Lasse (11).

Audun Snemyr Apelseth, som er skipper, forklarar at fartøyvernsenteret arrangerer leiskule for skular både vår og haust.

– Me planlegg ikkje i detalj kor me skal reisa frå dag til dag, men tek det litt på sparket. Den siste natta kjem me til å sova ein stad ved Norheimsund, forklarar han, og fortel at elevane må delta i arbeidet på skipet, mellom anna med dørkvask og dekkspyling.



MEKTIG: Hardangerjakta «Mathilde» var eit flott skue i Våge onsdag føremiddag.
MEKTIG: Hardangerjakta «Mathilde» var eit flott skue i Våge onsdag føremiddag.
GODT SAMARBEID: Det internasjonale mannskapet ombord på «Mathilde» festar landgangen, slik at skuleklassen kan få utforska Våge ei lita stund.
GODT SAMARBEID: Det internasjonale mannskapet ombord på «Mathilde» festar landgangen, slik at skuleklassen kan få utforska Våge ei lita stund.

Siste saker Gå til framsida

Pernilla sette ny pers

Fredag sprang Pernilla Eugenie Epland 3000 meter på Tyrvinglekene på Nadderud. Tida 9,30,84 gav ho 4. plass, og ei forbetring av den personlege rekorden hennar med 2,5 sekund.– Løpet var greitt, det var mykje vind på Nadderud, men eg fekk meg ei «klynge» å springa i, fortel Pernilla til «Tysnes». Etter kvart gjekk det litt seint, og ho ville forbi. Då måtte ho nesten ut i bane 3...

Fire Hordfast-alternativ på anbod

Måndag lyste Statens vegvesen ut anbod for planlegging av ny bru på E39 over Bjørnafjorden. To selskap skal få jobben med å parallelt sjå på fire alternativ for ei ny flytebru. Alternativa er: 1. Flytebru i boge, berre forankra på land på begge sider. 2. Flytebru i boge forankra på begge sider, men med forankringar som kan aktiverast ved katastrofe. 3. Rettlina flytebru...