OM DØRSELJARAR: – Ver på vakt og noter gjerne bilnummer, er rådet frå lensmann Lorentz Lunde. (Arkivfoto)
OM DØRSELJARAR: – Ver på vakt og noter gjerne bilnummer, er rådet frå lensmann Lorentz Lunde. (Arkivfoto)

– Ver på vakt mot dørseljarar

Ver på vakt dersom det dukkar opp dørseljarar. Det er rådet frå politiet.
Publisert 13.09.2017 kl. 09.53.

– Mange av oss opplever at det kjem folk på døra for å selja noko lite. Dette er i utgangspunktet ikkje straffbart, så lenge dørseljaren oppfører seg, skriv lensmann Lorentz Lunde på Fusa og Tysnes lensmannskontor si Facebookside.

I seinare tid har publikum funne kryss eller merke på eller ved dører etter besøk av dørseljarar. Det har skjedd både i Fusa og Tysnes lensmannsdistrikt, og i andre distrikt.

– Me veit ikkje kva dette tyder, og det treng ikkje vera anna enn ei markering av kor seljaren har vore, seier lensmannen.

Han ber likevel folk vera litt ekstra på vakt, både hos seg sjølve og hos naboen.

– Ta gjerne bilete, eller noter ned bilnummeret på bilar som er knytt til slik salsaktivitet, oppmodar han, og legg til at politiet er veldig glad i bilnummer.

Dersom folk skulle oppleva ubehagelege situsjonar i samband med besøk av dørseljarar, er rådet hans å ta kontakt med politiet.


VER PÅ VAKT: – Dersom du oppdagar slike kryss ved dører, bør du vera på vakt, er rådet frå lensmann Lorentz Lunde. (Foto politiet)
VER PÅ VAKT: – Dersom du oppdagar slike kryss ved dører, bør du vera på vakt, er rådet frå lensmann Lorentz Lunde. (Foto politiet)

Siste saker Gå til framsida

Kors, vaflar og fotball-VM på Solstråleøya

– Det var ein nydeleg vêrdag, med fin temperatur. Me fekk flott skyss frå Våge i Mor Di, skøyta til Patrick Madsen.Dette seier Hans Ole Dalland, om friluftsgudstenesta på Solstråleøya søndag.Vidare kan han fortelja at nokre av deltakarane kom roande frå Lunde – og nokre kom verkeleg langvegsfrå:– Eit ektepar frå Minnesota var på Tysnesferie, og fekk oppleva den flotte...

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.