Lesarbrev: Manglande fokus i Tysnes kommune på gründarar og nytt næringsliv

Publisert 17.09.2017 kl. 12.00.

For Tysnessamfunnet er det svært viktig å satsa på at nytt næringsliv og at alle dei som ynskjer å starta opp si eiga bedrift blir møtt og sett av Tysnes kommune når dei kjem med sine idear og tankar.

Det å skapa eit fellesskap og eit nettverk, samt det å ha til dømes felles kurs med gründernettverk, er ein av dei sentrale verdiane for å skapa tryggleik for den som ynskjer å etablera seg.Det at kommunen er ein viktig samarbeidspartner og tilretteleggjar for desse, er ein kritisk suksessfaktor.

Det er derfor svært beklageleg at Tysnes kommune tilsynelatande har valt å tona ned samarbeidet med ein av dei aktørane som har vore viktig dei siste åra for etablerarane i Tysnes. Samarbeidet som Tysnes kommune har hatt med Atheno har vore eit godt og fruktbart samarbeid, som har skapt moglegheiter for mange som har ynskt hjelp til etablering. Me er fleire som har blitt kontakta, og som lurer på kvar dette tilbodet er blitt av.

For oss i Arbeidarpartiet er det å skapa nytt næringsliv heilt avgjerande, og i ein liten kommune som vår som treng kvar einaste arbeidsplass me kan få.

Tysnes kommune må ta aktive val for å lukkast med entreprenørskap.


Siste saker Gå til framsida

Leiar: Ein viktig folkefest for lokalsamfunnet

Tysnesfest 2018 kan gå inn soga som ein av dei beste. Dermed har Tysnesfest lagt eit godt grunnlag for den populære sommarfestivalen. For det er ikkje tvil om at denne folkefesten er viktig for lokalsamfunnet.Publikumsrekorden for 2017 vil bli ståande, i alle fall i eitt år til. I fjor hadde ein over 32.000 på dei ulike arrangementa. I jubileumsåret 2016 var det over 27.000. Såleis er...

Brødristar tok fyr

Fredag føremiddag rykte brannvesenet ut til Peralio, der det hadde byrja å brenna i ein brødristar.