STORSIGER: Njardar/Tysnes og Raymond Epland vann 7-2 over botnlaget Smørås 3, og ligg no på tredje plass på tabellen.
STORSIGER: Njardar/Tysnes og Raymond Epland vann 7-2 over botnlaget Smørås 3, og ligg no på tredje plass på tabellen.

A-laget slo botnlaget på Reiso

Smørås 3 stod med null poeng før kampen mot Njardar/Tysnes, og tysnesingane var storfavorittar. Heimelaget opna svakt, men innfridde favorittstempelet sitt og vann til slutt 7-2.
Publisert 18.09.2017 kl. 09.52. Oppdatert kl. 13.46.

Det var nemleg gjestene som tok leiinga i kampen på laurdag. Njardar verka tunge, og fekk lite til å stemma i første del av kampen. Tolv minutt var spelt då Smørås fekk sitt første mål.Njardar svarte imidlertid fem minutt etter, då Raymond Epland netta på volley frå kort hald.

Dei gulkledde sleit framleis med flyten, men etter kvart kom nyervervinga Ådne Onarheim frå Os innpå, og då vart det meir fart i det.Onarheim ordna så 2-1, og like før kvilen fekk Njardar straffe som Aksel Lande ekspederte sikkert i mål. Dermed 3-1 leiing til pause.

Starten på 2. omgang opna som den første. Smørås reduserte til 3-2 og det var litt spenning i lufta.

Men så vakna Njardar-spelarane igjen. Arild Ebbesvik og Børge Pedersen scora to kvar før domaren bles for full tid, og vertane kunne notera seg for ein solid heimesiger.Laget ligg no på tredjeplass, to poeng bak andreplassen som gjev kvalifisiering for opprykk til 6. divisjon.


SETTE FART: Innhoppet til Ådne Onarheim sette fart i Njardar-angrepa. Her scorar vingen 2-1 målet.
SETTE FART: Innhoppet til Ådne Onarheim sette fart i Njardar-angrepa. Her scorar vingen 2-1 målet.

Siste saker Gå til framsida

Pernilla sette ny pers

Fredag sprang Pernilla Eugenie Epland 3000 meter på Tyrvinglekene på Nadderud. Tida 9,30,84 gav ho 4. plass, og ei forbetring av den personlege rekorden hennar med 2,5 sekund.– Løpet var greitt, det var mykje vind på Nadderud, men eg fekk meg ei «klynge» å springa i, fortel Pernilla til «Tysnes». Etter kvart gjekk det litt seint, og ho ville forbi. Då måtte ho nesten ut i bane 3...

Fire Hordfast-alternativ på anbod

Måndag lyste Statens vegvesen ut anbod for planlegging av ny bru på E39 over Bjørnafjorden. To selskap skal få jobben med å parallelt sjå på fire alternativ for ei ny flytebru. Alternativa er: 1. Flytebru i boge, berre forankra på land på begge sider. 2. Flytebru i boge forankra på begge sider, men med forankringar som kan aktiverast ved katastrofe. 3. Rettlina flytebru...