STORSIGER: Njardar gutar 14 hadde få problem med å slå Bjarg på Reiso. Mathias Bakke var ein av Njardar sine beste spelarar i kampen.
STORSIGER: Njardar gutar 14 hadde få problem med å slå Bjarg på Reiso. Mathias Bakke var ein av Njardar sine beste spelarar i kampen.

Njardar G14 med solid siger

Bjarg 4 var gjester på Reiso torsdag kveld, men dei hadde ingenting å stilla opp med mot eit godt Njardar/Tysnes lag.
Publisert 22.09.2017 kl. 19.00.

Heimelaget vann til slutt heile 8-2 over botnlaget i serien. Og det var fullt fortent.

Kampen var berre nokre få minutt gamal då Øyvind Helvik sende Njardar i leiinga.

Lasse Bakkane kvitterte så med to nettkjenninger til, før gultrøyene slapp Bjarg innpå seg med to kjappe reduseringar.

Men inn mot pause sette Njardar inn eit ekstra gir att med to fine mål frå Emre Hagen og Thomas Kjerrgård.

Andre omgang opna forrykande av vertane. Det stod 8-2 etter fem-seks minutt spel etter kvilen. Thomas Hatteberg-Olsen og Emre Hagen med to nye scoringer sytte for det.

Etter denne starten jamna spelet seg meir ut. Bjarg hadde ein del forsøk mot slutten, men Njardar-forsvaret rydda unna, og tysnesingane kunne notera seg for ein solid siger.

Desse var med: Georg Siglevik Lunde, Daniel Hagen, Daniel Bjoarvik, Mathias Bakke, Marcus Staskevics, Thomas Kjerrgård, Lasse Bakkane, Øyvind Helvik, Emre Hagen, Thomas Hatteberg-Olsen og Nojus Sauseris.


Siste saker Gå til framsida

Forventar ein kjekk konsert

– Julekonserten er ein årleg tradisjon. Onarheim Musikklag har hatt den så lenge eg har spelt med dei, for å seia det sånn, fortel Magne Storesætre.