Dagfinn Heie, Tove Baugerød, Thea Wenaas og Adrian Ulleberg.
Dagfinn Heie, Tove Baugerød, Thea Wenaas og Adrian Ulleberg.

Tysnesingar heiar fram dei norske syklistane

– Me måtte hit når me har ein student som bur midt i sykkeløypa, seier Dagfinn Heie.
Publisert 24.09.2017 kl. 15.30.

Han er frå Tysnes, men bur for tida i Porsgrunn.

– I går sprang me inn og ut av døra frå frukosten, for å få med oss syklistane som passerte, seier Dagfinn.

Han står nedanfor Støletorget på veg mot Sandviken i Bergen, og ventar på at syklistane i fellesstarten for menn skal sykla forbi.

– Eg er i Bergen for å vitja familie og sjå VM. Eg har også ei syster i Olsvik, forklarar han.

Dei norske favorittane er sjølvsagt Edvald Boasson Hagen og Alexander Kristoff.

– Her i bakken, som me kallar Kiwibakken, har det vore ein del folk og god stemning. I går var det både italienarar og nederlendarar her, seier han, som er prosjektleiar i IT-selskapet Evry.


Tidlegare syklar

Ifølgje kona Tove Baugerø er han godt over gjennomsnittleg interessert i sykling.

– Eg sykla tidlegare, og har til dømes sykla Birken tre gongar, men no gjer eg det mest for kosen si skyld, seier han, som følgjer med på Tour de France kvart år.

VM i Bergen skal dei sjå på i heile dag.

– Det blir fyrst fly heim i morgon tidleg, seier Tove, som jobbar i Hydro.

– Er dåke ofte på Tysnes då?

– Eg er der om lag ein gong i året, seier Dagfinn.


Står ved Festplassen

Ved Festplassen står John Helge Heie og Svanhild Heie,

– Me skal stå i målområdet. Me får med oss masse her, seier Svahild, som er gift med John Helge frå Tysnes.

– Me heiar på dei norske, spesielt Alexander Kristoff og Edvald Boasson Hagen. Det hadde vore kjekt med gull, forklarar John Helge.

Han er oppvaksen i Uggdal og jobbar hjå Andersland Bygg.

– Det har vore kjekt å sjå VM i Bergen. Arrangementet har fått mykje skryt, seier Svanhild, som jobbar på Apoteket på Os og Nesttun.


Interessert i sykling

– Kva anna har dåke sett av VM den siste veka?

– Me såg lagtempoet for menn sist søndag, forklarar John Helge.

Han er sjølv med i ein sykkelklubb, men seier det er blitt mindre tid til sykling etter han fekk born.

– Eg budde på Tysnes fram til eg var 16 år, og flytta for å gå på vidaregåande. Me har budd ein del år på Os, der me bur no, forklarar han, som seier han er på Tysnes av og til utanom jobben.


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...