GOD I MOTBAKKE: Marita Nygård var raskast av alle damene då motbakkeløpet Fossabrekko opp vart arrangert på laurdag. Komande helg er ho påmeld til Stoltzekleiven opp, der ho tok ein fin 4. plass i sin klasse i fjor. (Arkivfoto)
GOD I MOTBAKKE: Marita Nygård var raskast av alle damene då motbakkeløpet Fossabrekko opp vart arrangert på laurdag. Komande helg er ho påmeld til Stoltzekleiven opp, der ho tok ein fin 4. plass i sin klasse i fjor. (Arkivfoto)

Fyrste dame opp Fossabrekko

Publisert 27.09.2017 kl. 13.10. Oppdatert kl. 15.37.

Tysnesing Marita Nygård var suverent raskast i dameklassen då motbakkeløpet Fossabrekko (Stord) vart arrangert for fyrste gong på laurdag. I strålande haustvêr kom ho i mål på tida 7.03 – over eitt minutt føre andreplassen. Det var 72 deltakarar med på «syrefesten».

Marita Nygård spring for Opptur Motbakkeklubb, og komande helg er ho påmeld til Stoltzekleiven opp i Bergen. Det same er Geir Storetveit Skaten (Gular IL), som har nære slektsrøter på Tysnes. Han kom forøvrig på ein fin 3. plass i Fossabrekko opp.

Andre tysnesingar i trappeløpet var brørne Anders og Vegard Hundeide Magnussen frå Onarheim IL. Fyrstnemnde kom i mål nokre tidels-sekundar før Marita Nygård, på tida 6.52, medan Vegard sprang på tida 7.38.

Også Anders er påmeld til Stoltzekleiven opp.

Sjå alle resultata frå Fossabrekko opp her


Siste saker Gå til framsida

REKO-ring også i Sunnhordland

I februar i fjor skreiv «Tysnes» om den relativt nye distribusjonskanalen REKO-ring, der lokale matprodusentar kan leggja ut produkt for sal i Facebook-grupper, og enkelt knytta kontakt med kundar i til dømes bergensområdet. Tysnesbøndene Irene Dalland, Lucianne Rijpkema og Nynke van Schaik har vore...

Klart for nyttårsshow neste veke

I fjor blei juleshowet til 10.-klasse ved Tysnes skule utsett til over nyttår. No er det snart klart for show.Torsdag 31. januar og fredag 1. februar er det duka for nyttårsshow i Vonheim i Våge.Førehandssal av billettar vil finna stad på Joker Uggdal, Joker Onarheim, Bunnpris Lunde og Tysnes Blomster & Interiør.Fredag 1. februar kan ein berre kjøpa billettar hos...