ØVING: Sofie Dalland gir alt på ei av dei siste øvingane før konserten.
ØVING: Sofie Dalland gir alt på ei av dei siste øvingane før konserten.

– Ta ein pause frå Stjernekamp

Laurdag må du få med deg dei lokale musikantane, meiner Lars Petter Epland. Tysnes musikklag, med gjester, inviterer nemleg til populærkonsert.
Publisert 28.09.2017 kl. 18.00.

– Full støt! «Håret til værs», seier Yngve Nikolaisen entusiastisk til den fremste blåserekka.

Tysnes musikklag legg siste hand på verket, før konserten laurdag kveld. Dirigenten lovar god underhaldning på Mandelhuset.

Der kan ein få høyra både musikk av Elton John, Elvis, Frank Sinatra og Vamp. – No gjeld det at folk kjenner si besøkelsestid, seier Lars Petter Epland i musikklaget.


Finna nerva

Med på konserten blir også Frode Kvandal på bass, Frode Sæverud på piano og Eirik Dalland og Reidar Sakseide på vokal.

– Me skal prøva å finna ei nerva som det blir bra å høyra på, fortel Dalland nokre dagar før konserten.

Det kjem ei rekkje ulike låtar, blant anna skal han syngja til Frank Sinatra-songen «Fly me to the moon».

– Ei av utfordringane er at det skal spelast musikk som korpset normalt ikkje spelar, seier Dalland.

På øving er det terping på overgangar og nye takter. Når laurdagen kjem, skal alt sitja som eit skot.


Testar Mandelhuset

Det blir bra trøkk når musikklaget, saman med musikantar og songarar, inntar Mandelhuset.

Musikklaget har ikkje hatt ei tilstelling av denne storleiken inne på Mandelhuset tidlegare. Etter nyoppussinga i sommar, er Mandelhuset blitt ein arena også for innekonsertar med større korps.

– Eg håpar det blir mykje folk, seier Dalland, som synest konseptet musikklaget stiller med er stilig.

– 100 personar skal me i alle fall få plass til. Kjem det fleire så skal me sikkert finna rom til dei også, seier Epland.

Alle som vil skal få plass, lovar han.

Musikklaget lokkar også med musikkquiz, med tipping av titlar på songar. For dei som tek turen på Mandelhuset laurdag, ser det ut til å bli ein flott musikkveld.

– Me gler oss veldig, avsluttar Epland.



FINPUSS: Det blir mange flotte svisker når Marte Særsten Stien og dei andre musikantane finn fram instrumenta. Yngve Nikolaisen (i spegelen) gir her dei siste instruksane på Stien sin solo.
FINPUSS: Det blir mange flotte svisker når Marte Særsten Stien og dei andre musikantane finn fram instrumenta. Yngve Nikolaisen (i spegelen) gir her dei siste instruksane på Stien sin solo.
SONGAR: Lars Petter Epland synest det er kjekt å ha med ein så proff musikar som Eirik Dalland (biletet) på laget.
SONGAR: Lars Petter Epland synest det er kjekt å ha med ein så proff musikar som Eirik Dalland (biletet) på laget.
ENGASJERT DIRIGENT: - Tenk støvsugar, seier Yngve Nikolaisen til blåsarane. No skal alle tonar finpussast.
ENGASJERT DIRIGENT: - Tenk støvsugar, seier Yngve Nikolaisen til blåsarane. No skal alle tonar finpussast.
MANGE NOTER: "Springtime" er ein av låtane som skal spelast på Mandelhuset.
MANGE NOTER: "Springtime" er ein av låtane som skal spelast på Mandelhuset.

Siste saker Gå til framsida

Viste fram trafikkfarleg skuleveg

Tysnes kommune viste fram smal skuleveg på snøslapsføre under synfaring med vegvesenet og fylkeskommunen. Turen gjekk både forbi Kløvbrekko og langs Onarheimselva.

Fryktar nedbemanning

Får Ketil Solvik-Olsen (FrP) gjennomslag for nytt lovforslag, kan det bli postlevering annankvar dag.