GOD I FORSVAR: Brede Røssland rydda godt opp i Njardar sitt forsvar i kampen mot Trott.
GOD I FORSVAR: Brede Røssland rydda godt opp i Njardar sitt forsvar i kampen mot Trott.

Heimetap for Njardar G12

Torsdag ettermiddag møttest Njardar/Tysnes og Trott i gutar 12-års klassen. Det var gjestene som trakk det lengste strået med 4-3 siger.
Publisert 29.09.2017 kl. 14.57.

Trott opna forrykande og leia 3-0 etter halvspelt første omgang.

Njardar sine spelarar stod litt for mykje og såg på i starten, og vart straffa for det.


Redusering

Like før pause reduserte Teodor Meland med ein velplassert og knallhard mark-krypar.

Så til pause låg tysnesingane under med 3-1.


Meir fart

Andre omgang var det meir fart i Njardar. Jonas Hagen-Lunde reduserte til 3-2 med eit strålande soloraid.

Men trottingane svarte med å gå opp i 4-2 leiing, før Hans Martin Hansen reduserte med eit volleyskot.


Nære utlikning

Njardar var nære på utlikning med fleire sjansar mot slutten, men det ebba ut med 4-3 siger til Trott.

– Ja, me var nære på fleire gonger og burde kanskje hatt fleire mål. Men det vart litt mykje spark og spenn i dag, og Trott hadde nokre gode enkeltspelarar, konkluderer trenar Ronny Hagen.

Desse var med: Oliver Fagerbakk, Petter Øyjordsbakken, Brede Røssland, Jonas Siglevik Lunde, Jonas Hagen-Lunde, Tobias Hagen, Teodor Meland, Noah Aslaksen, Julian Huse, Lars Kristoffer Alsaker og Hans Martin Hansen.

gunnar hansen

redaksjonen@tysnesbladet.no


Siste saker Gå til framsida

Ny badestrand i Lunde

For ikkje lenge sidan, dukka det opp ei ny badestrand i Lunde. Stranda blei sett i stand av ein lokal velgjerar, som helst ikkje vil nemnast i avisa.

Vart servert vaflar og gode ord

Karine Høviskeland Eide og borna Even Elias (5) og Nathaniel (3) Eide var blant dei som tok seg ein «Pit-stop» under Tysnesfest.