SPREKING: I Stoltzekleiven Opp starta Marita Nygård i den seeda gruppa. Her frå arrangementet i fjor. (Arkivfoto)
SPREKING: I Stoltzekleiven Opp starta Marita Nygård i den seeda gruppa. Her frå arrangementet i fjor. (Arkivfoto)

Marita (26) blant topp 20 i Stoltzekleiven Opp

Med sluttida 11.51, blei det eit tøft møte med den bratte Bergens-bakken for Marita Nygård.
Publisert 30.09.2017 kl. 11.01. Oppdatert 03.10.2017 kl. 11.48.

– Mjølkesyra kom altfor tidleg i løpet, og ein har ikkje nokon plass å henta seg inn undervegs. Sekundane og minutta går fort når ein spring om tid, fortel ho etter løpet.

Den spreke tysnesingen var på førehand rangert blant dei aller beste før løpet. Det gjekk fram av arrangørklubben Varegg IL si nettside.

– Eg er veldig stolt over at eg kom med i toppseeda gruppe i år, seier ho sjølv.

To minutt bak vinnartida kjempa Nygård seg i mål. Ho fekk ein flott 18. plass blant kvinnene, i løpet der fleire tusen personar testa kor mykje mjølkesyre dei toler.

I sin klasse, kvinner 18-34 år, fekk ho ein 9. plass.


Tøff konkurranse

Den suverene vinnaren av dameklassen blei Karoline Holsen Kyte, med tida 9:44.

Førde-jenta var berre ni sekund bak Kristin Størmer Steira sin løyperekord.

Marita Nygård debuterte i fjor i Stoltzekleiven Opp, og hamna då på ein fjerdeplass i klassen, med tida 11.12.

Sjølv om tida blei dårlegare i år enn i fjor, er ho kjempefornøgd med løpet.

– Stoltzekleiven Opp er ei teknisk krevjande løype, som krev trening i løypa i forkant, og at dagsforma er på plass, forklarer Nygård.

Fleire andre tysnesingar deltok også i kampen mot mjølkesyra opp Stoltzekleiven, mellom anna Anders Magnussen (11.59) og Ingunn Martinsen (14.44).


I seeda gruppe

Nygård deltok for Opptur Motbakkeklubb på Os. Med startnummer 1476 og starttid klokka 13.20, var ho plassert i den seeda gruppa, med dei største favorittane.

– Det har dei siste åra utvikla seg til ein svært spennande stigning i den seeda gruppa når dei aller beste startar heilt til slutt, skreiv Varegg IL på nettsida si.

Blant herrane i den seeda gruppa stilte blant anna landslagsløpar Jakob Ingebrigtsen. Friidrettsstjerna fekk det svært tøft på slutten, og hamna til slutt på ein 30. plass.

Stian Øvergaard Aarvik frå Gneist vann herreklassen, med tida 8.04.


Siste saker Gå til framsida

Pernilla sette ny pers

Fredag sprang Pernilla Eugenie Epland 3000 meter på Tyrvinglekene på Nadderud. Tida 9,30,84 gav ho 4. plass, og ei forbetring av den personlege rekorden hennar med 2,5 sekund.– Løpet var greitt, det var mykje vind på Nadderud, men eg fekk meg ei «klynge» å springa i, fortel Pernilla til «Tysnes». Etter kvart gjekk det litt seint, og ho ville forbi. Då måtte ho nesten ut i bane 3...

Fire Hordfast-alternativ på anbod

Måndag lyste Statens vegvesen ut anbod for planlegging av ny bru på E39 over Bjørnafjorden. To selskap skal få jobben med å parallelt sjå på fire alternativ for ei ny flytebru. Alternativa er: 1. Flytebru i boge, berre forankra på land på begge sider. 2. Flytebru i boge forankra på begge sider, men med forankringar som kan aktiverast ved katastrofe. 3. Rettlina flytebru...