FESTKVELD: Catrine Sandsøy Moss var ein av solistane på ein finfin konsertkveld.
FESTKVELD: Catrine Sandsøy Moss var ein av solistane på ein finfin konsertkveld.

Spelte opp til fest

Stjernekamp kan ikkje måla seg med stemninga Tysnes musikklag laga på Mandelhuset laurdag kveld. Det er heilt sikkert.
Publisert 01.10.2017 kl. 11.48. Oppdatert 02.10.2017 kl. 10.42.

– Dette var kjempeflott, skrytte Laila Alvestad halvvegs.

Hytteeigaren frå Kattaneset i Lunde storkoste seg saman med vener og familie laurdag kveld.

Det var Lars Petter Epland som på førehand hadde bede folk om å droppa gullrekka på NRK, til fordel for lokale artistar.

Tysnesingane kjenner si besøkelsestid, og den nye konsertsalen på Mandelhuset var fyllt til randa. Rundt hundre personar hadde funne fram i haustmørket, og her måtte ein stilla opp tidleg for å få ein god sitjeplass.


Sviskefest

Tysnes musikklag, med songarar og innleigde musikarar, hadde ikkje spart på sviskene denne laurdagskvelden. Dei kom som perler på ei snor;

Elton John, Vamp, Queen, Elvis, Frank Sinatra.

– De tåler litt trøkk, ikkje sant, spurde Reidar Sakseide dei frammøtte.

– Ja, ropte publikum i retur.

Mange kjenner «The great pretender», og Freddie Mercury i Queen si tolking av låten. Men Sakseide og Tysnes musikklag si tolking heldt jammen eit høgt nivå den også.

Sakseide drog skikkeleg til, og fekk stor applaus etter songprestasjonen.

– Eg trur eg må setja meg ned, sa Sakseide etterpå, og tok seg ein pust i bakken på neste song.


Dalland

Men kva gjorde det, når Eirik Dalland stod klar til å ta over stafettpinnen.

Dalland lyste opp på Mandelhuset i den knallraude skjorta si. Han var innom både Elvis og Sinatra, og det rykte i dansefoten til både den eine og den andre publikummaren.

Då Vamp sin «Månemannen» blei spelt, var ikkje publikum vanskelege å be på verken allsong eller klapping. Dirigent Yngve Nikolaisen heva begge armane, så han nesten nådde i taket, og musikarane responderte med å auka volumet betrakteleg. Eit flott nummer.


Sat som eit skot

Mange hadde musikklaget sine tidlegare konsertar varmt i minne, då dei tok turen til populærkonserten laurdag.

Gunnar Kathenes var veldig imponert over konserten i fjor. Han syntest det var ekstra kjekt å høyra Frank Sinatra-songane.

Med Eirik Dalland som vokalist sat «Fly me to the moon», som eit skot laurdag kveld. Ein fekk verkeleg storbandfølelsen.


Quiz og konkurranse

Tysnes muisikklag fann også tid til ein quiz midtvegs. Rett før pausen, spelte dei utdrag frå ei rekkje kjente songar. Publikum byrja å syngja med, og praten gjekk raskt med sidemannen.

– Å, kva er det den songen heiter no igjen?

Diskusjonane fortsette inn i pausen, og stemninga var svært god på Mandelhuset denne kvelden.

Dei som ikkje hadde klart å lausriva seg frå fjernsynet, kan angra på at dei ikkje tok turen.

Saman med musikarane Frode Kvandal og Frode Sæverud, blei det ein flott populærkonsert. For å sitera vokalist Reidar Sakseide:

– Heilt herleg!




QUIZ: Harald Hope og Randi Beate Bjørge prøvde seg på musikkquizen.
QUIZ: Harald Hope og Randi Beate Bjørge prøvde seg på musikkquizen.
GLIMT I AUGET: Øystein Dalland demonstrerte korleis øyreproppar skal setjast i, før konserten starta.
GLIMT I AUGET: Øystein Dalland demonstrerte korleis øyreproppar skal setjast i, før konserten starta.
RAUDSTRUPE: Eirik Dalland, i si fargerike skjorte, varta opp med flotte songprestasjonar.
RAUDSTRUPE: Eirik Dalland, i si fargerike skjorte, varta opp med flotte songprestasjonar.
STAPPFULLT: Folk såg ut til å storkosa seg under konserten.
STAPPFULLT: Folk såg ut til å storkosa seg under konserten.
LANGVEGSFRÅ: Gunnar Kathenes (f.v.), Signy Fjellstad, Paul Alvestad, Kristine Kathenes og Laila Alvestad hadde teke turen frå blant anna Arendal og Ålesund.
LANGVEGSFRÅ: Gunnar Kathenes (f.v.), Signy Fjellstad, Paul Alvestad, Kristine Kathenes og Laila Alvestad hadde teke turen frå blant anna Arendal og Ålesund.
BLÅSARAR: Det var bra trøkk i blåsarane.
BLÅSARAR: Det var bra trøkk i blåsarane.
SAMSPEL: Eirik Dalland og Reidar Sakseide gjorde kvarandre gode under konserten.
SAMSPEL: Eirik Dalland og Reidar Sakseide gjorde kvarandre gode under konserten.

Siste saker Gå til framsida

Skal arrangera opplæringsjakt på Tysnes

Tysnes Jakt- og Fiskelag skal til helga arrangera opplæringsjakt.– Me er så heldige at me har fått tak i opplæringsterreng her på øya, og me er også så heldige at me skal arrangera opplæringsjakt i regi av Norges Jeger- og Fiskerforbund, fortel leiar i Tysnes Jakt- og Fiskelag, Bjarte Erstad.Fredag kveld er sett av til informasjon. Sjølve jakta vil føregå laurdag og søndag. Det...