STOD GODT I FORSVAR: I raude drakter ser me f.v. Kristin van der Meeren, Martine Siglevik Lunde, Isabel Rosvold Vik og Linn Bergesen. (Foto: Terje Sløgedal)
STOD GODT I FORSVAR: I raude drakter ser me f.v. Kristin van der Meeren, Martine Siglevik Lunde, Isabel Rosvold Vik og Linn Bergesen. (Foto: Terje Sløgedal)

Tysnesdamene vann mot NHH

Laurdag tok Tysnes IL sine handballdamer i 5. divisjon ein fin 21-17 siger mot NHH 2 i Lehmkuhlhallen.
Publisert 02.10.2017 kl. 10.58. Oppdatert kl. 14.11.

Medtrenar Terje Sløgedal fortel at stillinga var 9-9 til pause, etter ein omgang der laga fylgde kvarandre tett. – Forsvarsspelet til tysnesdamene var svært godt, men dei hadde litt høge skuldre i angrep.

Men i andre omgang gjekk det betre i angrep; Kristin van der Meeren byrja å setja skota, og fleire prøvde seg på mål.– Det var litt betre kondisjon på våre jenter. Lea Sofie Trondsen Dalland tok det meste i mål, samstundes som Silje Lunde kom inn og tok tre av tre straffar, fortel Sløgedal.

Dette gjorde at Tysnes rykte frå, og sluttresultatet enda på 17-21.

Kampen mot NHH var tysnesdamene sin andre så langt i haust. 9. september møtte dei Fyllingen 4 på bortebane, der stillinga vart 28-23.

I følgje terminlista er neste kamp 15. oktober, denne gongen mot Åsane 2 på heimebane.

Desse var med: Kristin van der Meeren (9), Isabel Rosvold Vik, Linn Karin Bergesen (3), Thea Sløgedal (7), Sara Reimdal Vee, Martine Siglevik Lunde, Anna Dorthea Espevik (1), Julie Bakke, Eline Teigland Bakke, Lea Sofie Trondsen Dalland, Maria Lillesletten Hagen, Ingunn Lillesletten Hillesvik, Silje Lunde og Signe Pettersen Opdal (1).


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...