IMPONERANDE INNSATS: Gjennom 50 år har Asle Bernt Rekve teke idrettsmerket. (Foto: Hans Ole Dalland)
IMPONERANDE INNSATS: Gjennom 50 år har Asle Bernt Rekve teke idrettsmerket. (Foto: Hans Ole Dalland)

Veteran med imponerande prestasjon

Asle Bernt Rekve (70) har i sitt vaksne liv vore ein ivrig idrettsmerketakar. Heile 50 gonger har han greidd krava til idrettsmerket.
Publisert 04.10.2017 kl. 18.00. Oppdatert kl. 20.26.

Dette runde talet nådde han då Tysnes idrettslag nyleg hadde merkeprøvar. Då synte han på ein solid måte at spenst, styrke, hurtigheit og uthald framleis held mål.

Dermed får Rekve no Norges idrettsforbund sitt 50-årsmerke med diplom. Tidlegare har han i samlinga si idrettsmerka i bronse, sølv og gull, idrettsmerkestatuetten, idrettsmerkekruset, miniatyrstatuett i bronse, Heidersprisen og 40-årsmerket med diplom.

Etter det underteikna kjenner til, er det ingen andre på Tysnes som har greidd krava til idrettsmerket 50 gonger

– Eg har alltid hatt interesse for idrett. Eg vaks opp i eit aktivt, godt og inspirerande idrettsmiljø på Voss. I Bulken idrettslag hadde eg gode barne- og ungdomsår. Særleg var skitilbodet rikt. Det var i dette idrettslaget eg tok idrettsmerket for fyrste gong i 17-årsalderen.

Utdanninga tok han i Forsvaret.

– Der var eg seks år, og i alle desse åra var eg ein ivrig idrettsmerketakar. Det var eg også då eg budde og arbeidde eit par år i Stavanger. Mellom dei eg var saman med der, var Leif Inge Tjelta, ein kjend og god mellomdistanseløpar i nasjonal samanheng. Han har seinare vore ein leiande trenar og forskar innanfor friidrettsmiljøet.

Etter at han flytta til Tysnes, og vart tilsett som kommuneingeniør i 1972, har han hatt stor glede av å ta idrettsmerket.

– Fram til 1985 gjorde eg dette i Uggdal idrettslag, deretter har eg vore med gjengen i Tysnes idrettslag, fortel Rekve, som mellom anna har B-kurs i friidrett som instruktør, fortel Rekve.


Siste saker Gå til framsida

Skal arrangera opplæringsjakt på Tysnes

Tysnes Jakt- og Fiskelag skal til helga arrangera opplæringsjakt.– Me er så heldige at me har fått tak i opplæringsterreng her på øya, og me er også så heldige at me skal arrangera opplæringsjakt i regi av Norges Jeger- og Fiskerforbund, fortel leiar i Tysnes Jakt- og Fiskelag, Bjarte Erstad.Fredag kveld er sett av til informasjon. Sjølve jakta vil føregå laurdag og søndag. Det...

Håpar på E39-vedtak før jul

Kor Langenuen skal kryssast av den nye ferjefrie E39, kan bli avgjort før jul. Det fortel prosjektleiar for E39 Stord-Tysnes-Os, Signe Eikenes, til «Tysnes».Dei to alternativa som det står mellom er sørleg kryssing ved Hodnanes-Jektevik (biletet) og eit midtre alternativ ved Raunholm-Neshamn. Kommunestyret i Tysnes har gått inn for kryssing i sør. Det har også nabokommunane.– Me...